Ilani ya Taratibu za Faragha

Ilani hii inaeleza jinsi taarifa za matibabu kukuhusu zinavyoweza kutumiwa na kufichuliwa na jinsi unavyoweza kupata taarifa hizi. 

Ilani hii itaeleza jinsi Jordan Valley Health (JVH) inavyoweza kutumia na kufichua taarifa zako za matibabu; wajibu unaohusiana na matumizi na ufichuaji wa taarifa zako za matibabu na haki zako zinazohusiana na taarifa zozote za matibabu ambazo JVH inazo kukuhusu. Ilani hii inatumika kwa rekodi za matibabu zinazotengenezwa katika au na kliniki za JVH, huduma shuleni, huduma zinazohamishwa kutoka sehemu moja hadi nyingine, huduma za nyumbani, na huduma katika makazi ya uuguzi, ambazo kuanzia hapa zitajulikana kama taasisi za Jordan Valley. Tafadhali kumbuka kwamba rekodi za afya ya kitabia zinachukuliwa kuwa sehemu ya rekodi ya matibabu na zitatolewa kama sehemu yake. 

Ilani hii pia inaeleza taratibu za JVH na za mtoa huduma yeyote anayefanya kazi kwa niaba ya shirika kuhusu Taarifa zako za Afya Zinazolindwa (PHI) zinazotengenezwa ukiwa mgonjwa wa taasisi za Jordan Valley Health. Watoa huduma wote na wafanyakazi wanaofanya kazi kwa niaba ya JVH pia wanapaswa kuzingatia ilani hii. Aidha, watoa huduma na wafanyakazi wanaofanya kazi kwa ushirikiano wanaweza kushirikishana taarifa za matibabu kwa ajili ya matibabu, malipo, au shughuli za huduma za afya zilizoelezwa katika ilani hii. Kama inavyotakiwa na sheria, JVH inahakikisha kwamba taarifa za matibabu zinazokutambulisha zinawekwa kwa faragha, kwamba unaweza kupata sera za faragha kuhusu wajibu wa kisheria wa JVH, na kwamba sera hizi zinasasishwa. 

Ilani ya Taratibu Zinazohusu Wagonjwa Inaendelea

Kama mgonjwa wa taasisi za Jordan Valley, unaelewa kwamba watoa huduma wanaoshiriki katika huduma yako katika JVH huenda wasiwe wafanyakazi au mawakala wa taasisi za Jordan Valley na huenda wasifanye kazi kwa ajili ya au kwa niaba ya JVH, bali ni watoa huduma huru ambao wamepewa ruhusa ya kutumia vituo vya JVH kuwahudumia wagonjwa wetu. Kama mgonjwa wa taasisi za Jordan Valley, unaelewa kwamba maamuzi ya kitabibu kuhusu huduma na matibabu yako yanaweza kufanywa na madaktari hao na si na JVH. 

Ikiwa una maswali yoyote kuhusu yaliyomo katika Ilani hii ya Taratibu za Faragha, au ikiwa unahitaji kuwasiliana na mtu katika kituo hiki kuhusu taarifa zozote zilizomo katika Ilani hii ya Taratibu za Faragha, tafadhali wasiliana na: 

Afisa wa Faragha, S.L.P. 5681, Springfield, MO 65801  | Simu: (417) 851-1556 

Mbali na idara za kliniki, wafanyakazi, madaktari, madaktari wa meno na watumishi wengine wa JVH, watu wafuatao pia watafuata taratibu zilizoelezwa katika Ilani hii ya Taratibu za Faragha: 

  • Mtaalamu yeyote wa huduma za afya ambaye ameidhinishwa kuingiza taarifa katika rekodi yako ya matibabu. 
  • Mwanachama yeyote wa kikundi cha watu wanaojitolea ambao tunawaruhusu kusaidia ukiwa ndani ya vituo vyetu, mwanafunzi yeyote, daktari anayepata mafunzo ya ubingwa au mwanafunzi wa mafunzo kwa vitendo.

MATUMIZI NA UFICHUAJI WA TAARIFA ZA MATIBABU 

JVH inaweza kutumia au kufichua taarifa zako za matibabu kuhusu matibabu, malipo ya huduma au shughuli za huduma za afya. JVH pia inaweza kufichua taarifa zako za afya zinazolindwa (PHI) kwa shughuli za matibabu za mtoa huduma mwingine, shughuli za malipo za mtoa huduma mwingine na shughuli fulani zenye mipaka za huduma za afya za taasisi nyingine inayoshirikiana nasi. 

Kwa Matibabu: Ili kukupatia matibabu au huduma za kitabibu, JVH huenda ikahitaji kutumia au kufichua taarifa zako kwa madaktari, madaktari wa meno, wauguzi, mafundi, wanafunzi wa huduma za afya au watumishi wengine wanaohusika katika matibabu yako. Idara ndani ya shughuli za JVH zinaweza kushirikishana taarifa zako za matibabu ili kuratibu huduma yako. JVH pia inaweza kufichua taarifa zako za matibabu kwa watu ambao huenda wakahusika katika huduma yako ya matibabu baada ya kuondoka katika vituo vya JVH, kama vile mashirika ya huduma za afya nyumbani, familia yako, wahudumu wa dharura au vituo vya huduma za muda mrefu. 

Kwa Malipo: JVH inaweza kutumia na kufichua taarifa zako za matibabu ili kukutoza na kupokea malipo ya matibabu unayopokea kutoka JVH. 

Kwa Shughuli za Huduma za Afya: JVH inaweza kutumia na kufichua taarifa zako za matibabu kwa shughuli za huduma za afya. Taarifa zako za matibabu na za wagonjwa wengine wa JVH zinaweza kuunganishwa ili kutathmini ubora au ufanisi wa huduma na kulinganisha taarifa hizo na za shirika jingine la huduma za afya. Ili kulinda faragha yako, tunapounganisha taarifa, tutaondoa taarifa zozote zinazokutambulisha, zinazojulikana kama “taarifa ambazo viashiria vya moja kwa moja vya utambulisho vimeondolewa.” 

Manufaa na Huduma Zinazohusiana: JVH inaweza kutumia na kufichua Taarifa za Afya ili kuwasiliana nawe kukukumbusha kwamba una miadi nasi. JVH pia inaweza kutumia na kufichua Taarifa za Afya ili kukueleza kuhusu njia mbadala za matibabu au manufaa na huduma zinazohusiana na afya ambazo zinaweza kukuvutia. 

Watu Wanaohusika katika Huduma Yako au Malipo ya Huduma Yako. Inapofaa, JVH inaweza kushiriki Taarifa za afya na mtu anayehusika katika huduma yako ya matibabu au malipo ya huduma yako, kama vile mtu wa familia yako au rafiki wa karibu. Tunaweza pia kuijulisha familia yako kuhusu mahali ulipo au hali yako kwa ujumla au kufichua taarifa hizo kwa taasisi inayosaidia katika juhudi za kutoa msaada wakati wa maafa. 

Kwa Utafiti: JVH inaweza kushiriki PHI yako na watafiti kwa idhini yako au utafiti wao unapoidhinishwa na bodi ya mapitio ya taasisi (IRB) ambayo imepitia pendekezo la utafiti na kuweka taratibu (msamaha wa kuomba ruhusa) ili kuhakikisha faragha ya taarifa zako za afya zinazolindwa. 

IKIWA MATUMIZI AU UFICHUAJI WOWOTE KATI YA HAYA UMEWEKEWA MIPAKA NA SHERIA KALI ZAIDI, IKIWEMO 42 CFR SEHEMU YA 2, TUTAFUATA MASHARTI KALI ZAIDI. 

MATUMIZI NA UFICHUAJI WA TAARIFA ZA MATIBABU AMBAO HAUHITAJI IDHINI YAKO:
JVH inaweza kutumia au kufichua taarifa zako za matibabu bila idhini wakati wa dharura, wakati JVH inapotakiwa kisheria kutumia au kufichua taarifa fulani, au wakati kuna vikwazo vikubwa vya mawasiliano katika kupata idhini kutoka kwako. Hali zifuatazo zinaweza kuhitaji JVH itumie au ifichue taarifa zako za afya bila idhini yako: 

  • Inapotakiwa na sheria ya kimataifa, shirikisho, jimbo au eneo. 
  • Inapohusisha matumizi au ufichuaji kwa shughuli za afya ya umma kama vile utoaji wa taarifa za magonjwa unaotakiwa kisheria, n.k.; 
  • Wakati wa kutoa taarifa kuhusu waathiriwa wa unyanyasaji, utelekezaji au ukatili wa nyumbani 
  • Wakati wa kufichua taarifa kwa madhumuni ya shughuli za usimamizi wa afya kama vile ukaguzi, uchunguzi, utoaji wa leseni au hatua za kinidhamu au mashauri au hatua za kisheria 
  • Wakati, kutokana na uvunjaji wa usalama wa data, tunaweza kutumia au kufichua Taarifa zako za Afya Zinazolindwa ili kutoa ilani zinazotakiwa kisheria kuhusu ufikiaji usioidhinishwa wa taarifa zako za afya au ufichuaji wake. 
  • Tunapofanya kazi na washirika wa biashara wanaotekeleza majukumu kwa niaba yetu au kutupatia huduma ikiwa taarifa hizo zinahitajika kwa majukumu au huduma hizo. Washirika wetu wote wa biashara wanawajibika kulinda faragha ya taarifa zako na hawaruhusiwi kutumia au kufichua taarifa zozote isipokuwa kama ilivyoainishwa katika mkataba wetu. 
  • Wakati wa kufichua taarifa kwa mashirika yanayoshirikiana nasi kwa madhumuni ya kuunda seti ya data yenye mipaka ambayo inaweza kujumuisha misimbo ya posta, tarehe za kuzaliwa au tarehe za huduma lakini haiwezi kuwa na viashiria vya utambulisho wa mgonjwa kama vile jina, anwani, namba ya simu au namba ya hifadhi ya jamii. 
  • Wakati wa kufichua au kutumia taarifa kwa madhumuni ya utekelezaji wa sheria. 
  • Wakati wa kufichua au kutumia taarifa kwa madhumuni ya uchangiaji wa viungo na tishu. 
  • Tunapoamini kwa nia njema kwamba ufichuaji unahitajika ili kuzuia tishio kubwa kwa afya au usalama wako au usalama wa umma. 
  • Ufichuaji unapohitajika ili kuzingatia sheria au madhumuni ya Fidia kwa Wafanyakazi. 
  • Inapotakiwa kisheria kumjulisha mtu aliye chini ya mamlaka ya FDA kwa madhumuni ya afya ya umma yanayohusiana na ubora, usalama au ufanisi wa bidhaa au shughuli zinazodhibitiwa na FDA? 
  • Ufichuaji unapohitajika kwa majukumu maalumu ya serikali. 
  • Inapotakiwa na mamlaka za kamandi ya kijeshi; unapokuwa mfungwa gerezani, taarifa zinaweza kutolewa kwa gereza unaloishi kwa madhumuni yafuatayo: ili taasisi ikupatie huduma za afya, kulinda usalama wa wengine na kwa usalama na ulinzi wa gereza. 
     

MATUMIZI AU UFICHUAJI ULIOPANGWA AMBAO UNAWEZA KUUPINGA
JVH itatumia au kufichua taarifa zako za afya kwa madhumuni yoyote yaliyoelezwa katika sehemu iliyotangulia isipokuwa ukipinga waziwazi au kuweka kikomo kingine kwa utoaji fulani wa taarifa. Lazima uelekeze pingamizi au vizuizi vyako kwa maandishi kwa: Afisa wa Faragha, S.L.P. 5681, Springfield, MO 65801. 

JVH inaweza kutoa taarifa zako za afya kwa rafiki na/au mtu wa familia anayehusika katika huduma yako. JVH pia inaweza kutoa taarifa hizi kwa mtu atakayesaidia au anayesaidia kulipia huduma yako. 

JVH inaweza kufichua taarifa zako za afya kwa taasisi ya umma au binafsi iliyoidhinishwa na sheria au hati yake ya kuanzishwa kusaidia katika juhudi za kutoa msaada wakati wa maafa kwa madhumuni ya kuijulisha familia na/au marafiki kuhusu mahali ulipo na hali yako. 

MATUMIZI NA UFICHUAJI ULIOKATAZWA
Hatutatumia au kufichua Taarifa zako za Afya Zinazolindwa (PHI) kwa: 

  • Taarifa za kijenetiki kwa madhumuni ya tathmini ya hatari katika bima. 
  • Uuzaji wa huduma bila idhini yako ya maandishi. 
  • Uuzaji wa PHI bila idhini yako ya maandishi. 
  • Madhumuni yoyote yaliyokatazwa chini ya 42 CFR Sehemu ya 2, ikiwemo kutumia rekodi za tatizo la matumizi ya vilevi (SUD) katika mashauri ya kisheria bila ridhaa yako au amri ya mahakama. 

MATUMIZI NA UFICHUAJI WA TAARIFA ZA MATIBABU AMBAO HAUHITAJI IDHINI YAKO
Matumizi na ufichuaji ufuatao wa Taarifa zako za Afya Zinazolindwa utafanywa tu kwa idhini yako ya maandishi: 

  • Matumizi na ufichuaji wa Taarifa za Afya Zinazolindwa kwa madhumuni ya uuzaji wa huduma; na 
  • Ufichuaji ambao unajumuisha uuzaji wa Taarifa zako za Afya Zinazolindwa.  
  • Matumizi na ufichuaji mwingine wa Taarifa za Afya Zinazolindwa ambao haujaelezwa katika Ilani hii au sheria zinazotumika kwa JVH utafanywa tu kwa idhini yako ya maandishi.

UNAWEZA KUFUTA IDHINI YAKO WAKATI WOWOTE KWA MAANDISHI. 

MATUMIZI NA UFICHUAJI UNAOHITAJI TAMKO LA UTHIBITISHO 
Maombi fulani ya PHI yanahitaji tamko la uthibitisho chini ya §164.509. Kwa mfano: Maombi ya taarifa za huduma za afya ya uzazi yanaweza kuhitaji tamko la uthibitisho kwamba taarifa hazitatumiwa kwa madhumuni yaliyokatazwa.

UWEZEKANO WA KUFICHULIWA TENA 
Taarifa zilizofichuliwa kwa wengine zinaweza kufichuliwa tena na huenda zisilindwe tena na HIPAA. Hata hivyo, rekodi zinazolindwa na 42 CFR Sehemu ya 2 haziwezi kufichuliwa tena bila ridhaa yako au amri ya mahakama. 


MATAMKO TOFAUTI YANAYOTAKIWA KISHERIA 
JVH inaweza kuwasiliana nawe kwa ajili ya uchangishaji fedha, na una haki ya kujiondoa. 

  • Mipango ya afya ya vikundi inaweza kufichua PHI kwa wafadhili wa mipango kama inavyoruhusiwa kisheria. 
  • JVH haitatumia taarifa za kijenetiki kwa tathmini ya hatari katika bima. 
  • Rekodi za tatizo la matumizi ya vilevi zilizo chini ya 42 CFR Sehemu ya 2 hazitatumiwa katika mashauri ya kisheria bila ridhaa au amri ya mahakama. 
  • Ikiwa JVH itatumia rekodi za Sehemu ya 2 kwa uchangishaji fedha, utakuwa na nafasi ya kujiondoa.

 

HAKI ZAKO KUHUSU TAARIFA ZA AFYA

Ingawa rekodi yako ya afya ni mali ya Jordan Valley Health, una haki ya: 

Kuomba vizuizi: Una haki ya kuomba kwamba JVH iweke vizuizi kwa matumizi au ufichuaji wowote wa taarifa zako za afya. Hata hivyo, JVH haitakiwi kukubali ombi lolote isipokuwa: 

  •  Ukituomba tuweke kizuizi cha kushiriki taarifa na mpango wako wa afya kwa malipo au shughuli, na 
  • Taarifa zinahusiana tu na huduma uliyolipia kikamilifu kwa fedha zako mwenyewe. 

Tukikubali, tutafuata ombi lako isipokuwa taarifa zinahitajika kwa matibabu ya dharura. Ili kuomba kizuizi, ombi lako lazima liwasilishwe kwa maandishi kwa Afisa wa Faragha. Jumuisha: 

  • Taarifa unazotaka kuwekea kikomo. 
  • Iwapo kikomo kinatumika kwa matumizi, ufichuaji au vyote viwili. 
  • Kikomo kinatumika kwa nani. Kuomba Mawasiliano ya Siri: Una haki ya kuomba kwamba JVH iwasiliane nawe kuhusu masuala ya matibabu kwa njia fulani au katika mahali fulani. Ili kuomba mawasiliano ya siri, lazima utoe ombi lako, kwa maandishi, kwa Afisa wa Faragha katika JVH. Ombi lako lazima libainishe jinsi au mahali unapotaka kuwasiliana nawe. Tutakubali maombi yanayofaa. 

Ilani ya Uvunjaji wa Usalama: Una haki ya kuarifiwa kunapotokea uvunjaji wa usalama wa Taarifa zako zozote za Afya Zinazolindwa ambazo hazijawekewa ulinzi wa kiusalama. 

Nakala ya Kielektroniki ya Rekodi za Matibabu za Kielektroniki:   
Ikiwa Taarifa zako za Afya Zinazolindwa (PHI) zimehifadhiwa kielektroniki (katika rekodi ya matibabu au afya ya kielektroniki), una haki ya: 

  • Kuomba nakala ya kielektroniki ya rekodi yako. 
  • Kutuomba tutume rekodi yako kwa mtu au shirika jingine. 

JVH itatoa rekodi yako katika muundo unaoomba ikiwezekana. Ikiwa hatuwezi kuitoa katika muundo huo, tutakupatia katika muundo wetu wa kawaida wa kielektroniki au, ukipendelea, kama nakala ya karatasi inayosomeka. 

Kukagua na Kunakili Taarifa zako za Afya Zinazolindwa (PHI): Una haki ya kukagua na kunakili taarifa zako za afya zinazolindwa ambazo zinaweza kutumika kufanya maamuzi kuhusu huduma yako, isipokuwa madokezo ya tiba ya kisaikolojia. Ukitaka kuona au kunakili taarifa zako za matibabu, lazima uwasilishe ombi lako kwa maandishi kwa Afisa wa Faragha wa Jordan Valley.  

Kumbuka: Katika hali chache, JVH inaweza kukunyima ufikiaji wa taarifa zako za afya. Ukinyimwa ufikiaji, unaweza kuomba uamuzi wa kukunyima upitiwe. Mtaalamu mwingine wa huduma za afya mwenye leseni aliyechaguliwa na JVH atapitia ombi lako na uamuzi wa kukunyima. JVH itafuata uamuzi wa anayepitia. 

Kuomba Marekebisho ya Taarifa zako za Afya Zinazolindwa (PHI): Una haki ya kuomba taarifa zako za afya zirekebishwe (zibadilishwe) ikiwa unaamini kwamba si sahihi au hazijakamilika. Una haki ya kuomba mabadiliko kwa muda wote ambao taarifa zinahifadhiwa na JVH. Ili kuomba mabadiliko katika PHI yako, lazima uwasilishe kwa maandishi ombi kwa Afisa wa Faragha wa JVH ambalo linajumuisha sababu unayoamini kwamba taarifa si sahihi au hazijakamilika na kubainisha mtu unayetaka ajulishwe kuhusu mabadiliko hayo. JVH lazima ikujulishe ndani ya siku 60 baada ya kupokea ombi lako la maandishi. Kipindi hiki kinaweza kuongezwa kwa siku 30 mradi tukujulishe sababu yetu ya kuchelewa na tarehe inayotarajiwa ya kukamilisha. 

WAKATI JVH INAWEZA KUKATAA OMBI LAKO LA KUREKEBISHA TAARIFA 
JVH inaweza kukataa ombi lako ikiwa: 

  • Halijaandikwa au halijumuishi sababu ya mabadiliko. 
  • Taarifa hazikuundwa na JVH, au mtu/taasisi iliyozitengeneza haipatikani tena. 
  • Taarifa si sehemu ya rekodi yako ya matibabu ya JVH. 
  • Taarifa si kitu unachoruhusiwa kukagua au kunakili. 
  • JVH inaamini taarifa ni sahihi na zimekamilika. 

Orodha ya Ufichuaji: Una haki ya kuomba orodha ya ufichuaji fulani wa taarifa zako za matibabu. Ili kufanya hivyo, lazima utume ombi la maandishi kwa Afisa wa Faragha wa JVH linalojumuisha kipindi unachotaka na jinsi unavyotaka taarifa ziripotiwe. Kipindi hakiwezi kuwa zaidi ya miaka sita na hakiwezi kujumuisha tarehe kabla ya Januari 1, 2003. Unaweza kupokea orodha moja ya ufichuaji bila malipo kila miezi kumi na miwili. Ukiomba zaidi ya moja ndani ya kipindi kilekile cha miezi kumi na miwili, JVH inaweza kutoza ada iliyoidhinishwa na jimbo kwa gharama kama vile nakala, utumaji wa barua au vifaa. Tutakujulisha kuhusu malipo yoyote kabla ya kushughulikia ombi lako, na unaweza kubadilisha au kufuta ombi lako wakati huo. Ufichuaji uliofanywa kabla ya kusaini idhini haujumuishwi katika orodha hii. 

Kupokea Nakala ya Ilani hii ya Taratibu za Faragha: Hata ikiwa umekubali kupokea ilani hii kwa muundo mwingine, bado unaweza kupata nakala ya karatasi ya ilani hii. Ili kupata nakala ya karatasi ya ilani hii, wasiliana na idara ya rekodi za matibabu au Afisa wa Faragha. Unaweza pia kupata nakala ya ilani hii kwenye tovuti yetu: www.jordanvalley.org.
 

MALALAMIKO

Ikiwa unaamini haki zako za faragha zimekiukwa, unaweza kuwasilisha malalamiko ya maandishi kwa Afisa wa Faragha wa JVH kupitia S.L.P. 5681, Springfield, MO 65801, au kwa kujaza Fomu ya Maoni inayopatikana kwenye tovuti ya Jordan Valley, www.jordanvalley.org. Unaweza pia kuwasiliana na Afisa wa Faragha wa Jordan Valley kupitia 417-851-1556 Unaweza kuwasilisha malalamiko kwa Katibu wa Idara ya Afya na Huduma za Kibinadamu ya Marekani, 200 Independence Avenue, Washington, D.C. 20201, au kwa kupiga simu kwa Ofisi ya Haki za Kiraia kupitia 1(800) 368-1019, 1(800) 537-7697 (TDD). Fomu za malalamiko zinapatikana katika http://www.hhs.gov/ocr/office/file/index.html. 

Kwa mujibu wa sheria, hutalipiziwa kisasi wala kutishwa kwa kuwasilisha malalamiko kwa taasisi yoyote ya Jordan Valley au Idara ya Afya na Huduma za Kibinadamu ya Marekani. 
 

MABADILIKO YA ILANI HII YA TARATIBU ZA FARAGHA

JVH inahifadhi haki ya kubadilisha au kurekebisha Ilani hii ya Taratibu za Faragha. Mabadiliko yoyote yanaweza kutumika kwa taarifa zozote za afya ambazo JVH inazo au inaweza kupata kukuhusu. Kila mara unapopokea huduma kutoka taasisi za Jordan Valley, utakuwa na nafasi ya kupitia toleo la sasa zaidi la Ilani yetu ya Taratibu za Faragha. Toleo la sasa zaidi la Ilani yetu ya Taratibu za Faragha litabandikwa katika kliniki za JVH au linaweza kupatikana kutoka kwa Afisa wa Faragha. 

MAREKEBISHO YA ILANI HII YA TARATIBU ZA FARAGHA YANAYOANZA KUTUMIKA FEBRUARI 1, 2026
Ilani hii ya Taratibu za Faragha iliyo hapo juu itarekebishwa. Ilani iliyorekebishwa inaanza kutumika Februari 1, 2026. Nakala ya ilani inapatikana kwa kupakuliwa na unaweza kuipata kwa KUBOFYA HAPA.