Uwekezaji wa Dola Milioni 1 kwa Kuongeza Saa za Huduma katika Jordan Valley Community Health Center

Jordan Valley Community Health Center huwahudumia wagonjwa bila kujali uwezo wao wa kulipa; saa zilizoongezwa zitatoa nafasi mpya kwa wagonjwa ambao hawana likizo ya ugonjwa au wanaokabiliwa na changamoto za  usafiri, malezi ya watoto, na masuala mengine wakati wa saa za kawaida za kazi.

Leo, Utawala wa Rasilimali na Huduma za Afya (HRSA), wakala ulio ndani ya Idara ya Afya na Huduma za Kibinadamu ya Marekani (HHS), umetangaza uwekezaji wa dola milioni 1 (kwa kipindi cha miaka 2) katika Jordan Valley Community Health Center, kituo cha afya cha jamii kinachofadhiliwa na HRSA ambacho huhudumia watu 67,000 kila mwaka, ili kuongeza saa zake za kazi na kuboresha upatikanaji wa huduma za afya. 

Ni vituo vipi vimeongeza saa za kazi? Saa hizo ni zipi? Jordan Valley Community Health Center itatumia ufadhili wa HRSA kuboresha kwa kiasi kikubwa upatikanaji wa huduma muhimu za afya kwa jamii yake. Ufadhili huu utawezesha kuongezwa kwa saa za kazi katika kliniki ya watoto ya Express Care na kliniki ya Matatizo ya Matumizi ya Vileo na Dawa za Kulevya (SUD), inayohudumia wagonjwa bila miadi. 

Saa zilizoongezwa za huduma ni kama ifuatavyo:
• Express Care kwa Watoto - Huduma za Matibabu
o 1720 W Grand St, Springfield, MO 65802
o Jumatatu hadi Ijumaa | 07:30 - 18:30

• Matatizo ya Matumizi ya Vileo na Dawa za Kulevya (SUD), Afya ya Kitabia, na Usimamizi wa Dawa 
o 618 N Benton, Springfield, MO 65806
o Jumatatu hadi Ijumaa | 07:00 – 19:00 

Ongezeko hili litahakikisha kuwa huduma muhimu za matibabu zinapatikana kwa urahisi katika saa za jioni zilizoongezwa, ili kukidhi mahitaji ya haraka ya watoto wenye magonjwa ya ghafla na watu wanaokabiliwa na SUD. Kwa kuongeza upatikanaji na kupunguza vikwazo vya kupata huduma, Jordan Valley inalenga kuboresha matokeo ya afya kwa makundi yaliyo hatarini na kuimarisha afya ya jamii kwa ujumla.

Huduma hizi ni kwa ajili ya nani?
Kwa kuwa vituo vya afya huwahudumia wagonjwa bila kujali uwezo wao wa kulipa, ongezeko hili la saa za kazi litakuwa muhimu hasa kwa watu wasio na bima, wenye bima isiyotosheleza, au walio na bima ya Medicaid ambao wanatatizika kupata huduma za bei nafuu nje ya saa za kawaida za kazi na hawawezi kumudu gharama kubwa za kutembelea vituo vya huduma za haraka, kliniki zilizo katika maduka au idara za 
dharura. Ufadhili huu pia utasaidia wagonjwa wa vituo vya afya wanaokabiliwa na changamoto za kawaida katika kupata huduma za afya – kwa mfano, kumpeleka mtoto kwa daktari baada ya kazi au kupata miadi kwa wakati unaofaa unapojisikia mgonjwa mwishoni mwa wiki – na kusaidia kuwaunganisha wagonjwa na huduma za kinga na rasilimali za kushughulikia mahitaji ya kijamii yanayohusiana na afya ili kuboresha matokeo ya afya. 
Kwa sasa, wagonjwa wengi huacha kabisa kutafuta huduma katika hali hizi, na hivyo kuhatarisha zaidi afya zao na kusababisha ziara zenye gharama kubwa zaidi katika idara za dharura hali zao zinapozidi kuwa mbaya.
 

Kwa nini kuongeza saa?
Jordan Valley Community Health Center "Tunaamini kwamba kila mtu anastahili kupata huduma za afya kwa urahisi, na tumejitolea kuondoa vikwazo na kuboresha afya na ustawi wa jamii yetu. Majukumu ya maisha yanaweza kufanya iwe vigumu kumwona daktari wakati wa saa za kawaida za mchana. Ndiyo maana tunafurahia kuongeza huduma zetu, kutokana na usaidizi wa HHS na HRSA. Kwa kuongeza saa za huduma, tunafanya huduma bora zipatikane kwa urahisi zaidi kwa kila mtu katika jamii yetu.

Hii ina maana kwamba wazazi wanaweza kuwaleta watoto wao baada ya shule, watu wazima wanaofanya kazi wanaweza kupanga miadi kabla au baada ya zamu zao, na watu wanaokabiliwa na changamoto za usafiri wana nafasi pana zaidi ya kupata huduma wanazohitaji. Saa hizi zilizoongezwa zitawapa watu chaguo jingine badala ya kwenda kwenye chumba cha dharura ili kupata huduma nje ya saa za kawaida. " alisema Dkt. Matthew Stinson, Mkurugenzi Mtendaji wa Jordan Valley Community Health Center.
HHS. “Hakuna anayepaswa kuahirisha au kukosa kumwona daktari kwa sababu ya kazi au shule. Mamilioni ya Wamarekani ambao hawawezi kukosa zamu zao za kazi za mchana, ambao watoto wao wako shuleni, ambao wana chaguo chache za huduma za malezi ya watoto, au wanaokabiliwa na changamoto za usafiri wanastahili kupata huduma bora kwa usawa,” alisema Katibu wa HHS Xavier Becerra. “Uwekezaji huu utasaidia kuongeza saa za kazi, hasa kwa wagonjwa katika jamii za vijijini au zisizopata huduma za kutosha 
kote nchini. Ninajivunia kuwa sehemu ya Utawala usiomwacha yeyote nyuma.” 

HHS
“Hakuna anayepaswa kuahirisha au kukosa kumwona daktari kwa sababu ya kazi au shule. Mamilioni ya Wamarekani ambao hawawezi kukosa zamu zao za kazi za mchana, ambao watoto wao wako shuleni, ambao wana chaguo chache za huduma za malezi ya watoto, au wanaokabiliwa na changamoto za usafiri wanastahili kupata huduma bora kwa usawa,” alisema Katibu wa HHS Xavier Becerra. “Uwekezaji huu utasaidia kuongeza saa za kazi, hasa kwa wagonjwa katika jamii za vijijini au zisizopata huduma za kutosha kote nchini. Ninajivunia kuwa sehemu ya Utawala usiomwacha yeyote nyuma.”

HRSA
Msimamizi wa HRSA Carole Johnson alisema, “Kuwa na chaguo la kumwona daktari kabla au baada ya kazi au mwishoni mwa wiki hakusaidii tu familia kupata huduma wanazohitaji, bali pia husaidia kupunguza baadhi ya msongo na mzigo kwa familia zinazojaribu kupanga huduma. Uwekezaji wa HRSA unapanua upatikanaji wa huduma kwa njia inayozingatia hali halisi za kila siku za familia zinazofanya kazi kote nchini.” Vituo vya afya vinavyosaidiwa na HRSA hutoa huduma za afya ya msingi—bila kujali uwezo wa mtu wa kulipa—kwa zaidi ya wagonjwa milioni 31 katika zaidi ya vituo 15,000 vya huduma vilivyo katika jamii zenye mahitaji makubwa. Zaidi ya asilimia 90 ya wagonjwa wa vituo vya afya wana mapato yaliyo chini ya asilimia 200 ya Kiwango cha Umaskini cha Serikali ya Shirikisho. 

Kwa orodha ya wote waliopokea ufadhili leo, tembelea: https://bphc.hrsa.gov/funding/fundingopportunities/expanded-hours/fy-25-awards
Ili kupata kituo cha afya, tembelea: https://findahealthcenter.hrsa.gov