Itangazo ryerekeye imikorere yo kurinda ibanga

Iri tangazo risobanura uko amakuru yerekeye ubuzima bwawe ashobora gukoreshwa no gutangazwa n'uko ushobora kubona ayo makuru. 

Iri tangazo risobanura uko Jordan Valley Health (JVH) ishobora gukoresha no gutangaza amakuru yerekeye ubuzima bwawe; inshingano zijyanye no gukoresha no gutangaza amakuru yerekeye ubuzima bwawe n'uburenganzira bwawe ku makuru yose yerekeye ubuzima bwawe JVH ifite. Iri tangazo rireba inyandiko z'ubuvuzi zikorwa mu mavuriro ya JVH cyangwa na yo, muri serivisi zitangirwa mu mashuri, serivisi z'ubuvuzi zigendanwa, serivisi zitangirwa mu ngo, na serivisi zitangirwa mu bigo byita ku bantu bakeneye kwitabwaho n'abaforomo, byose byitwa ahandi muri iri tangazo inzego za Jordan Valley. Menya ko inyandiko zerekeye ubuzima bwo mu mutwe n'imyitwarire zifatwa nk'igice cy'inyandiko y'ubuvuzi kandi ko zizatangwa muri ubwo buryo. 

Iri tangazo risobanura kandi imikorere ya JVH n'iy'utanga serivisi z'ubuvuzi wese ukora mu izina ry'uyu muryango ku bijyanye n'Amakuru y'Ubuzima Arinzwe (PHI) akorwa igihe uri umurwayi w'inzego za Jordan Valley Health. Abatanga serivisi z'ubuvuzi bose n'abakozi bose bakora mu izina rya JVH na bo bagengwa n'iri tangazo. Byongeye kandi, abatanga serivisi z'ubuvuzi n'abakozi bakorana bashobora guhererekanya amakuru yerekeye ubuzima bwawe hagamijwe kuvura, kwishyura, cyangwa ibikorwa bya serivisi z'ubuzima bisobanuwe muri iri tangazo. Nk'uko bisabwa n'amategeko, JVH yemeza ko amakuru yerekeye ubuzima bwawe agaragaza uwo uri we abikwa mu ibanga, ko ushobora kubona politiki zo kurinda ibanga zijyanye n'inshingano za JVH ziteganywa n'amategeko, kandi ko izo politiki zihuje n'igihe. 

Itangazo ryerekeye imikorere ijyanye n'umurwayi — Igice gikurikira

Nkumurwayi w’ibigo bya Jordan Valley, usobanukiwe ko abatanga serivisi z'ubuvuzi bagira uruhare mu kukwitaho muri JVH bashobora kutaba abakozi cyangwa abahagarariye ibigo bya Jordan Valley kandi bashobora kuba badakorera JVH cyangwa mu izina ryayo, ahubwo ari abatanga serivisi z'ubuvuzi bigenga bahawe uburenganzira bwo gukoresha inyubako za JVH mu kwita ku barwayi bacu. Nkumurwayi w’ibigo bya Jordan Valley, usobanukiwe ko ibyemezo by’ubuvuzi byerekeye ukwitabwaho kwawe no kuvurwa kwawe bishobora gufatwa n’abo baganga aho gufatwa na JVH. 

Niba ufite ibibazo ku bikubiye muri iri Tangazo ry’Uburyo bwo Kurinda Ibanga, cyangwa niba ukeneye kuvugana n’umuntu wo kuri iki kigo ku makuru ayo ari yo yose akubiye muri iri Tangazo ry’Uburyo bwo Kurinda Ibanga, hamagara: 

Ushinzwe Kurinda Ibanga, PO Box 5681, Springfield, MO 65801  | Telefoni: (417) 851-1556 

Uretse amashami y’ivuriro, abakozi, abaganga, abaganga b’amenyo n’abandi bakozi ba JVH, abantu bakurikira na bo bazakurikiza uburyo busobanurwa muri iri Tangazo ry’Uburyo bwo Kurinda Ibanga: 

  • Umukozi wese w’ubuvuzi wemerewe kwandika amakuru muri dosiye yawe y’ubuvuzi. 
  • Umunyamuryango wese w’itsinda ry’abakorerabushake twemerera kudufasha igihe uri mu bigo byacu, umunyeshuri wese, umuganga wimenyereza umwuga w’inzobere cyangwa uwimenyereza umwuga.

GUKORESHA NO GUTANGA AMAKURU Y’UBUVUZI 

JVH ishobora gukoresha cyangwa gutanga amakuru y’ubuvuzi akwerekeye mu bijyanye no kukuvura, kwishyura serivisi cyangwa ibikorwa bya serivisi z’ubuvuzi. JVH ishobora kandi gutanga amakuru yawe y’ubuzima arinzwe (PHI) ku bw’ibikorwa byo kuvura by’undi utanga serivisi z'ubuvuzi, ibikorwa byo kwishyuza by’undi utanga serivisi z'ubuvuzi, n’ibikorwa bimwe na bimwe bigarukira ku rwego runaka bya serivisi z’ubuvuzi by’ikindi kigo dufatanya. 

Mu Kukuvura: Kugira ngo iguhe ubuvuzi cyangwa serivisi, JVH ishobora gukenera gukoresha cyangwa gutanga amakuru akwerekeye ku baganga, abaganga b’amenyo, abaforomo, abatekinisiye, abanyeshuri biga ubuvuzi cyangwa abandi bakozi bagira uruhare mu kukuvura. Amashami akorera muri JVH ashobora gusangira amakuru y’ubuvuzi akwerekeye kugira ngo ahuze ibikorwa byo kukwitaho. JVH ishobora kandi gutanga amakuru y’ubuvuzi akwerekeye ku bantu bashobora kugira uruhare mu kukwitaho umaze kuva mu bigo bya JVH, nk’ibigo bitanga ubuvuzi bwo mu rugo, umuryango wawe, abakozi bashinzwe ubutabazi bwihutirwa cyangwa ibigo bitanga ubuvuzi bw’igihe kirekire. 

Mu Kwishyuza: JVH ishobora gukoresha no gutanga amakuru yawe y’ubuvuzi kugira ngo yishyuze kandi yakire ubwishyu bw’ubuvuzi uhabwa na JVH. 

Mu Bikorwa bya Serivisi z’Ubuvuzi: JVH ishobora gukoresha no gutanga amakuru yawe y’ubuvuzi mu bikorwa bya serivisi z’ubuvuzi. Amakuru y’ubuvuzi akwerekeye n’ay’abandi barwayi ba JVH ashobora guhuzwa kugira ngo hasuzumwe ireme cyangwa akamaro k’ubuvuzi no kugereranya ayo makuru n’ay’ibindi bigo by’ubuvuzi. Kugira ngo turinde ibanga ryawe, igihe duhuza amakuru, tuzakuramo amakuru yose akuranga, azwi nk’“amakuru yakuwemo ibimenyetso bigaragara biranga umuntu.” 

Inyungu na Serivisi Bijyanye na byo: JVH ishobora gukoresha no gutanga Amakuru y’Ubuzima kugira ngo ikumenyeshe ikwibutsa ko ufite gahunda yo kuza iwacu. JVH ishobora kandi gukoresha no gutanga Amakuru y’Ubuzima kugira ngo ikubwire ubundi buryo bwo kuvurwa cyangwa inyungu na serivisi bijyanye n’ubuzima bishobora kugushishikaza. 

Abantu Bagira Uruhare mu Kukwitaho cyangwa mu Kwishyura Ubuvuzi Bwawe. Igihe bikwiye, JVH ishobora gusangira amakuru y’ubuzima n’umuntu ugira uruhare mu kukwitaho cyangwa mu kwishyura ubuvuzi bwawe, nk’umuryango wawe cyangwa inshuti ya hafi. Dushobora kandi kumenyesha umuryango wawe aho uherereye cyangwa uko umeze muri rusange, cyangwa gutanga ayo makuru ku kigo gifasha mu bikorwa by’ubutabazi mu gihe cy’ibiza. 

Mu Bushakashatsi: JVH ishobora gusangiza abashakashatsi PHI yawe ubihereye uburenganzira cyangwa igihe ubushakashatsi bwabo bwemejwe na komite ishinzwe gusuzuma ubushakashatsi mu kigo (IRB), yasuzumye umushinga w’ubushakashatsi ikanashyiraho amabwiriza (yo gusonerwa gusaba uburenganzira) yo kurinda ibanga ry’amakuru yawe y’ubuzima arinzwe. 

NIBA HARI UKO GUKORESHA CYANGWA GUTANGA AMAKURU MURI UBWO BURYO BIGABANYWA N’AMATEGEKO AKAZE KURUSHAHO, HARIMO 42 CFR PART 2, TUZAKURIKIZA IBISABWA BIKAZE KURUSHAHO. 

GUKORESHA NO GUTANGA AMAKURU Y’UBUVUZI BIDASABA UBURENGANZIRA BWAWE:
JVH ishobora gukoresha cyangwa gutanga amakuru yawe y’ubuvuzi nta burenganzira bwawe mu gihe cyihutirwa, igihe JVH isabwa n’amategeko gukoresha cyangwa gutanga amakuru amwe n’amwe, cyangwa igihe hari inzitizi zikomeye mu itumanaho zituma kuyisabira uburenganzira bwawe bigorana. Ibihe bikurikira bishobora gusaba ko JVH ikoresha cyangwa itanga amakuru yawe y’ubuzima nta burenganzira bwawe: 

  • Igihe bisabwa n’amategeko mpuzamahanga, aya leta zunze ubumwe, aya leta cyangwa ayo mu nzego z’ibanze. 
  • Igihe ari ugukoresha cyangwa gutanga amakuru mu bikorwa by’ubuzima rusange nko gutanga raporo z’indwara bitegetswe, n’ibindi; 
  • Igihe hatangwa amakuru ku bakorewe ihohoterwa, abirengagijwe cyangwa abakorewe ihohoterwa rikorerwa mu ngo 
  • Igihe hatangwa amakuru hagamijwe ibikorwa byo kugenzura ubuvuzi, nk’ubugenzuzi, iperereza, gutanga impushya cyangwa gufatira abantu ibihano byo mu kazi, cyangwa imiburanishirize n’ibikorwa by’amategeko 
  • Igihe, bitewe no kumena ibanga ry’amakuru, dushobora gukoresha cyangwa gutanga Amakuru Yawe y’Ubuzima Arinzwe kugira ngo dutange imenyesha risabwa n’amategeko ryerekeye kugera ku makuru yawe y’ubuzima cyangwa kuyatanga nta burenganzira. 
  • Igihe dukorana n’abafatanyabikorwa badukorera imirimo cyangwa baduha serivisi niba amakuru akenewe muri iyo mirimo cyangwa izo serivisi. Abafatanyabikorwa bacu bose bategetswe kurinda ibanga ry’amakuru yawe kandi ntibemerewe gukoresha cyangwa gutanga amakuru ayo ari yo yose uretse uko bisobanuwe mu masezerano dufitanye. 
  • Igihe dutanga amakuru ku bigo dufatanya hagamijwe gukora ikusanyamakuru rigabanyijwe rishobora kubamo kode z’iposita, amatariki y’amavuko cyangwa amatariki serivisi zatangiweho ariko ritagomba kubamo ibiranga umurwayi nk’izina, aderesi, nimero ya telefoni cyangwa nimero y’ubwiteganyirize. 
  • Igihe hatangwa cyangwa hakoreshwa amakuru mu bikorwa byo kubahiriza amategeko. 
  • Igihe hatangwa cyangwa hakoreshwa amakuru mu bikorwa byo gutanga ingingo n’uturemangingo. 
  • Igihe twemera nta buryarya ko gutanga amakuru ari ngombwa kugira ngo hakumirwe ikintu gikomeye kibangamiye ubuzima bwawe cyangwa umutekano wawe cyangwa umutekano w’abaturage. 
  • Igihe gutanga amakuru ari ngombwa kugira ngo hubahirizwe amategeko cyangwa intego zerekeye indishyi z’abakozi bakomerekeye ku kazi. 
  • Igihe amategeko asaba kumenyesha umuntu ugenzurwa na FDA ku mpamvu z’ubuzima rusange zijyanye n’ireme, umutekano cyangwa akamaro k’ibicuruzwa cyangwa ibikorwa bigenzurwa na FDA? 
  • Igihe gutanga amakuru ari ngombwa ku bw’imirimo yihariye ya leta. 
  • Igihe bisabwe n’abayobozi b’ingabo; igihe uri imfungwa, amakuru ashobora guhabwa gereza urimo ku mpamvu zikurikira: kugira ngo icyo kigo kiguhe ubuvuzi, kurinda umutekano w’abandi, no kurinda umutekano wa gereza. 
     

GUKORESHA CYANGWA GUTANGA AMAKURU BITEGANYIJWE USHOBORA KWANGA
JVH izakoresha cyangwa itange amakuru yawe y’ubuzima ku mpamvu iyo ari yo yose yasobanuwe mu gice kibanziriza iki keretse ubigaragaje neza ko wanze cyangwa washyize izindi mbogamizi ku itangwa ry’amakuru runaka. Ugomba kohereza inyandiko igaragaza ibyo wanze cyangwa imbogamizi washyizeho kuri: Ushinzwe Kurinda Ibanga, PO Box 5681, Springfield, MO 65801. 

JVH ishobora guha amakuru y’ubuzima akwerekeye inshuti na/cyangwa umuntu wo mu muryango wawe ugira uruhare mu kukwitaho. JVH ishobora kandi guha ayo makuru umuntu uzafasha cyangwa usanzwe afasha kwishyura ubuvuzi bwawe. 

JVH ishobora gutanga amakuru y’ubuzima akwerekeye ku kigo cya leta cyangwa cyigenga cyemerewe n’amategeko cyangwa sitati yacyo gufasha mu bikorwa by’ubutabazi mu gihe cy’ibiza hagamijwe kumenyesha umuryango na/cyangwa inshuti aho uherereye n’uko umeze. 

GUKORESHA NO GUTANGA AMAKURU BIBUJIJWE
Ntituzakoresha cyangwa ngo dutange Amakuru Yawe y’Ubuzima Arinzwe (PHI) mu bikorwa bikurikira: 

  • Gukoresha amakuru yerekeye uturemangingo ndangasano mu gusuzuma ibyago byo gutanga ubwishingizi. 
  • Kwamamaza nta burenganzira bwawe bwanditse. 
  • Kugurisha PHI nta burenganzira bwawe bwanditse. 
  • Intego iyo ari yo yose ibujijwe na 42 CFR Part 2, harimo gukoresha dosiye z’indwara ziterwa no gukoresha ibiyobyabwenge cyangwa ibindi bintu byabaswe (SUD) mu miburanishirize utabyemeye cyangwa nta cyemezo cy’urukiko. 

GUKORESHA NO GUTANGA AMAKURU Y’UBUVUZI BIDASABA UBURENGANZIRA BWAWE
Uburyo bukurikira bwo gukoresha no gutanga Amakuru Yawe y’Ubuzima Arinzwe buzakoreshwa gusa ufite uburenganzira bwawe bwanditse: 

  • Gukoresha no gutanga Amakuru y’Ubuzima Arinzwe hagamijwe kwamamaza; na 
  • Gutanga amakuru bifatwa nko kugurisha Amakuru Yawe y’Ubuzima Arinzwe.  
  • Ubundi buryo bwo gukoresha no gutanga Amakuru y’Ubuzima Arinzwe butavugwa muri iri Tangazo cyangwa mu mategeko agenga JVH buzakoreshwa gusa ufite uburenganzira bwawe bwanditse.

USHOBORA GUKURAHO UBURENGANZIRA WATANZE IGIHE ICYO ARI CYO CYOSE MU NYANDIKO. 

GUKORESHA NO GUTANGA AMAKURU BISABA INYANDIKO YEMEZA 
Ubusabe bumwe na bumwe bwa PHI busaba inyandiko yemeza hakurikijwe §164.509. Urugero: Ubusabe bw’amakuru yerekeye ubuvuzi bw’ubuzima bw’imyororokere bushobora gusaba inyandiko yemeza ko ayo makuru atazakoreshwa mu bikorwa bibujijwe.

AMAKURU ASHOBORA KONGERA GUTANGWA 
Amakuru ahawe abandi ashobora kongera gutangwa kandi ntakomeze kurindwa na HIPAA. Icyakora, dosiye zirindwa na 42 CFR Part 2 ntizishobora kongera gutangwa utabyemeye cyangwa nta cyemezo cy’urukiko. 


IBISOBANURO BYIHARIYE BISABWA N’AMATEGEKO 
JVH ishobora kukuvugisha mu rwego rwo gukusanya inkunga, kandi ufite uburenganzira bwo guhitamo kutabigiramo uruhare. 

  • Gahunda z’ubwishingizi bw’ubuzima z’amatsinda zishobora guha PHI abaterankunga b’izo gahunda nk’uko byemewe n’amategeko. 
  • JVH ntizakoresha amakuru yerekeye uturemangingo ndangasano mu gusuzuma ibyago byo gutanga ubwishingizi. 
  • Dosiye z’indwara ziterwa no gukoresha ibiyobyabwenge cyangwa ibindi bintu byabaswe zigengwa na 42 CFR Part 2 ntizizakoreshwa mu miburanishirize utabyemeye cyangwa nta cyemezo cy’urukiko. 
  • Niba JVH ikoresheje dosiye zigengwa na Part 2 mu gukusanya inkunga, uzahabwa uburyo bwo guhitamo kutabigiramo uruhare.

 

UBURENGANZIRA BWAWE KU MAKURU Y’UBUZIMA BWAWE

Nubwo dosiye yawe y’ubuzima ari umutungo wa Jordan Valley Health, ufite uburenganzira bwo: 

Gusaba imbogamizi: Ufite uburenganzira bwo gusaba ko JVH ishyiraho imbogamizi ku gukoresha cyangwa gutanga amakuru yawe y’ubuzima uko ari ko kose. Icyakora, JVH ntitegetswe kwemera ubusabe ubwo ari bwo bwose keretse: 

  •  Udusabye kugabanya amakuru dusangiza gahunda yawe y’ubwishingizi bw’ubuzima ku mpamvu zo kwishyuza cyangwa z’ibikorwa, kandi 
  • Ayo makuru akaba yerekeye gusa serivisi wishyuye yose ukoresheje amafaranga yawe bwite. 

Nitubyemera, tuzakurikiza ubusabe bwawe keretse ayo makuru akenewe mu buvuzi bwihutirwa. Kugira ngo usabe imbogamizi, ugomba kubisaba mu nyandiko yoherejwe ku Ushinzwe Kurinda Ibanga. Garagaza: 

  • Amakuru ushaka ko ashyirirwaho imbogamizi. 
  • Niba imbogamizi zireba gukoresha amakuru, kuyatanga cyangwa byombi. 
  • Abo imbogamizi zireba. Gusaba Itumanaho ry’Ibanga: Ufite uburenganzira bwo gusaba ko JVH ivugana nawe ku bijyanye n’ubuvuzi mu buryo runaka cyangwa ahantu runaka. Kugira ngo usabe itumanaho ry’ibanga, ugomba kohereza ubusabe bwawe mu nyandiko ku Ushinzwe Kurinda Ibanga muri JVH. Ubusabe bwawe bugomba kugaragaza uburyo cyangwa aho wifuza kuvugishirizwa. Tuzubahiriza ubusabe bushyize mu gaciro. 

Kumenyeshwa Imenwa ry’Ibanga: Ufite uburenganzira bwo kumenyeshwa igihe habaye imenwa ry’ibanga ry’Amakuru Yawe y’Ubuzima Arinzwe ayo ari yo yose adafite uburinzi buhagije. 

Kopi yo mu Buryo bw’Ikoranabuhanga ya Dosiye z’Ubuvuzi zo mu Buryo bw’Ikoranabuhanga:   
Niba Amakuru Yawe y’Ubuzima Arinzwe (PHI) abitswe mu buryo bw’ikoranabuhanga (muri dosiye y’ubuvuzi cyangwa y’ubuzima yo mu buryo bw’ikoranabuhanga), ufite uburenganzira bwo: 

  • Gusaba kopi ya dosiye yawe yo mu buryo bw’ikoranabuhanga. 
  • Kudusaba kohereza dosiye yawe ku wundi muntu cyangwa ikigo. 

JVH izaguha dosiye yawe mu miterere usabye niba bishoboka. Niba tudashoboye kuyiguha muri iyo miterere, tuzayiguha mu miterere y’ikoranabuhanga dusanzwe dukoresha cyangwa, niba ari byo wifuza, nka kopi yo ku rupapuro ishobora gusomwa. 

Kugenzura no Gukora Kopi z’Amakuru Yawe y’Ubuzima Arinzwe (PHI): Ufite uburenganzira bwo kugenzura no gukora kopi z’amakuru yawe y’ubuzima arinzwe ashobora gukoreshwa mu gufata ibyemezo bijyanye no kukwitaho, uretse inyandiko z’ibiganiro by’ubuvuzi bwo mu mutwe. Niba ushaka kureba cyangwa gukora kopi z’amakuru yawe y’ubuvuzi, ugomba kohereza ubusabe bwawe mu nyandiko ku Ushinzwe Kurinda Ibanga wa Jordan Valley.  

Icyitonderwa: Mu bihe bimwe na bimwe byihariye, JVH ishobora kwanga kuguha amakuru yawe y’ubuzima. Niba ubujijwe kuyabona, ushobora gusaba ko icyo cyemezo gisubirwamo. Undi mukozi w’ubuvuzi ubifitiye uruhushya watoranyijwe na JVH azasuzuma ubusabe bwawe n’icyemezo cyo kubwanga. JVH izubahiriza icyemezo cy’uwabisesenguye. 

Gusaba Gukosora Amakuru Yawe y’Ubuzima Arinzwe (PHI): Ufite uburenganzira bwo gusaba ko amakuru yawe y’ubuzima akosorwa (ahindurwa) niba wemera ko atari yo cyangwa atuzuye. Ufite uburenganzira bwo gusaba impinduka igihe cyose ayo makuru akibitswe na JVH. Kugira ngo usabe impinduka muri PHI yawe, ugomba kohereza mu nyandiko ubusabe ku Ushinzwe Kurinda Ibanga wa JVH burimo impamvu utekereza ko amakuru atari yo cyangwa atuzuye kandi ugaragaza uwo ushaka ko amenyeshwa iyo mpinduka. JVH igomba kukumenyesha mu minsi 60 nyuma yo kwakira ubusabe bwawe bwanditse. Icyo gihe gishobora kongerwaho iminsi 30 igihe tukumenyesheje impamvu y’ubukererwe n’itariki biteganyijwe ko bizarangirira. 

IGIHE JVH ISHOBORA KWANGA UBUSABE BWAWE BWO GUKOSORA AMAKURU 
JVH ishobora kwanga ubusabe bwawe niba: 

  • Butari mu nyandiko cyangwa butagaragaza impamvu y’impinduka. 
  • Amakuru atarakozwe na JVH, cyangwa umuntu/ikigo cyayakoze kitakiboneka. 
  • Amakuru atari mu bigize dosiye yawe y’ubuvuzi ya JVH. 
  • Amakuru atari mu yo wemerewe kugenzura cyangwa gukorera kopi. 
  • JVH yemera ko amakuru ari yo kandi yuzuye. 

Raporo y’Aho Amakuru Yatanzwe: Ufite uburenganzira bwo gusaba urutonde rw’igihe amakuru yawe y’ubuvuzi yatanzwe mu buryo bumwe na bumwe. Kugira ngo ubikore, ugomba kohereza ubusabe bwanditse ku Ushinzwe Kurinda Ibanga wa JVH burimo igihe ushaka ko kigaragazwa n’uburyo wifuza ko amakuru atangwamo. Icyo gihe ntigishobora kurenza imyaka itandatu kandi ntigishobora kubamo amatariki abanziriza ku wa 1 Mutarama 2003. Ushobora guhabwa raporo imwe ku buntu buri mezi cumi n’abiri. Niba usabye izirenze imwe mu gihe kimwe cy’amezi cumi n’abiri, JVH ishobora kukwishyuza amafaranga yemewe na leta ku bintu nko gukora kopi, kohereza mu iposita cyangwa ibikoresho. Tuzakumenyesha amafaranga ayo ari yo yose mbere yo gutunganya ubusabe bwawe, kandi icyo gihe ushobora guhindura cyangwa guhagarika ubusabe bwawe. Amakuru yatanzwe mbere y’uko usinya uburenganzira ntabwo ashyirwa muri iyi raporo. 

Guhabwa Kopi y’iri Tangazo ry’Uburyo bwo Kurinda Ibanga: Nubwo waba waremeye guhabwa iri tangazo mu bundi buryo, ushobora guhabwa kopi yaryo yo ku rupapuro. Kugira ngo ubone kopi yo ku rupapuro y’iri tangazo, vugana n’ishami rishinzwe dosiye z’ubuvuzi cyangwa Ushinzwe Kurinda Ibanga. Ushobora kandi kubona kopi y’iri tangazo ku rubuga rwacu: www.jordanvalley.org.
 

IBIREGO

Niba wemera ko uburenganzira bwawe bwo kubikirwa ibanga bwahonyowe, ushobora gutanga ikirego cyanditse ku Ushinzwe Kurinda Ibanga wa JVH kuri PO Box 5681, Springfield, MO 65801, cyangwa wuzuza Ifishi yo Gutanga Ibitekerezo iboneka ku rubuga rwa Jordan Valley, www.jordanvalley.org. Ushobora kandi kuvugana n’Ushinzwe Kurinda Ibanga wa Jordan Valley kuri 417-851-1556 Ushobora gutanga ikirego ku Munyamabanga wa Minisiteri y’Ubuzima na Serivisi Zigenewe Abaturage ya Leta Zunze Ubumwe za Amerika, 200 Independence Avenue, Washington, D.C. 20201, cyangwa uhamagara Ibiro bishinzwe Uburenganzira bw’Abaturage kuri 1(800) 368-1019, 1(800) 537-7697 (TDD). Amafishi yo gutanga ibirego aboneka kuri http://www.hhs.gov/ocr/office/file/index.html. 

Hakurikijwe amategeko, ntuzihimurwaho cyangwa ngo ukangishwe kubera gutanga ikirego ku kigo icyo ari cyo cyose cya Jordan Valley cyangwa kuri Minisiteri y’Ubuzima na Serivisi Zigenewe Abaturage ya Leta Zunze Ubumwe za Amerika. 
 

IMPINDUKA KURI IRI TANGAZO RY’UBURYO BWO KURINDA IBANGA

JVH ifite uburenganzira bwo guhindura cyangwa kuvugurura iri Tangazo ry’Uburyo bwo Kurinda Ibanga. Impinduka iyo ari yo yose ishobora gukurikizwa ku makuru ayo ari yo yose y’ubuzima JVH ifite cyangwa ishobora kubona akwerekeye. Igihe cyose uhawe serivisi n’ibigo bya Jordan Valley, uzahabwa umwanya wo gusoma verisiyo iheruka y’Itangazo ryacu ry’Uburyo bwo Kurinda Ibanga. Verisiyo iheruka y’Itangazo ryacu ry’Uburyo bwo Kurinda Ibanga izamanikwa mu mavuriro ya JVH cyangwa ishobora kuboneka ku Ushinzwe Kurinda Ibanga. 

IVUGURURWA RY’IRI TANGAZO RY’UBURYO BWO KURINDA IBANGA RIZATANGIRA GUKURIKIZWA KU WA 1 GASHYANTARE 2026
Iri Tangazo ry’Uburyo bwo Kurinda Ibanga riri hejuru rizavugururwa. Itangazo rivuguruye rizatangira gukurikizwa ku wa 1 Gashyantare 2026. Kopi y’itangazo iboneka kugira ngo uyimanure kandi ushobora kuyibona UKANZE HANO.