Imigaragarire mishya,
Ubuvuzi ntibwahindutse.

MUTARAMA 2026 | Mu mezi ari imbere, mushobora kubona ko hari ibyahindutse mu migaragarire yacu. Ni ukubera ko Jordan Valley Community Health Center ubu yitwa Jordan Valley Health.

Turi guhindura izina n'imigaragarire byacu.

Jordan Valley Health yaragutse—haba mu buryo dutanga ubuvuzi no mu bantu dushobora gufasha.

Aho twaba turi hose ariko, intego yacu ntihinduka: gutuma buri wese abona ubuvuzi mu buryo bworoshye, hafi y'aho atuye, kandi burushijeho kuba bwiza.

Mu 2025, twafashe umwanya uhagije wo gutega amatwi abo dukorana, abarwayi n'abaturage. Twihaye umukoro wo gutekereza ku buryo twarushaho gufashanya no gufasha abarwayi bacu—atari mu byo dukora gusa, ahubwo no mu buryo tubikora.

Muri ubwo bushakashatsi, byagaragaye ko izina ry'ikigo ritagaragazaga neza abo turi bo. Izina Jordan Valley Health rigaragaza neza ubuvuzi butandukanye duha abarwayi, kandi rigakomeza kuzirikana inkomoko yacu. Ibindi biranga imigaragarire yacu, birimo n'imwe mu myandikire y'inyuguti twakoreshaga, byashoboraga gutuma bamwe bagorwa no gusoma. Imigaragarire mishya irihariye, idaheza kandi ishingiye ku byo abarwayi n'abo dukorana bavuze ko byagombye kuranga ubuvuzi bwiza.

Twamenye kandi ko igituma Jordan Valley yihariye atari ukubona ubuvuzi gusa—ahubwo ari n'imibanire. Ni icyizere kiri hagati y'utanga serivisi z'ubuvuzi n'abarwayi bacu. Ni ishema abo dukorana baterwa no gufasha abantu kugira uruhare mu kwita ku buzima bwabo. Ni uburyo ubuvuzi butangwa mu buryo butandukanye hano—atari uko byoroshye, ahubwo kuko ari bwo buryo bukwiye bwo kwita ku bantu.

Imigaragarire yacu mishya irenze kugira izina n'ikirango bishya. Ni isezerano ryo gukomeza kunoza ibyo dukora—ku bwanyu no ku bw'abaturage dukorera. Kuko muri Jordan Valley Health, ntidutabara gusa—twese dushyira hamwe.

Imbonerahamwe y'incamake ya raporo y'ubuzima bw'abaturage ya 2025

Mu gihe cy'urugaryi cyo mu 2025, Jordan Valley Health yegereye imiryango idaharanira inyungu n'imiryango ikorera mu baturage yo muri ako gace kugira ngo irusheho gusobanukirwa inzitizi zibangamira kubona ubuvuzi, icyizere abantu bafitiye inzego z'ubuvuzi, n'uko bazi serivisi z'ubuzima zihendutse bashobora kubona.

Intego y'ubu bushakashatsi yari yoroshye: gutega amatwi, kwiga no gushyira mu bikorwa ibyo twumvise kugira ngo tunoze uburyo abantu bo mu karere hose babona ubuvuzi, babusobanukirwa kandi babuhabwa.

Kanda kuri buto ya Reba imbonerahamwe kugira ngo umenye ibijyanye n'ubu bushakashatsi n'imbonerahamwe y'amakuru yo muri raporo y'ubuzima bw'abaturage yo mu 2025 yakurikiyeho.

Menya byinshi kuri raporo

Ibibazo bikunze kubazwa n'ibisubizo

Izina Jordan Valley Health rigaragaza serivisi zitandukanye z'ubuzima dutanga kandi rituma dutandukana n'indi miryango yo mu karere yitwa "Jordan Valley."
Ijambo "Center" ryakuwe mu izina ryacu kuko twagutse tukarenga gukorera ahantu hamwe gusa.
Rimwe na rimwe, gukoresha ijambo "Community" byahuzwaga n'imyumvire mibi ku buryo ubuvuzi butangwa. Turashaka kugabanya kudutiranya n'indi miryango, ariko tugakomeza kugaragaza neza abo turi bo.
Ubu izina ryacu riroroshye kandi rirumvikana: Jordan Valley Health.
Nubwo ikirango cy'igiti cyakomotse kuri pariki ya Jordan Valley muri Springfield, cyabaye n'igice cyacu. Ushobora kugisanga gihishe muri bimwe mu bishushanyo byacu. Ni bumwe mu buryo twibuka urugendo rwacu mu gihe twishimira iterambere ryacu.
Iyi mvugo irenze kuba intero yacu gusa. Isobanura ko dutanga koko ubuvuzi ku bantu bose, tutitaye ku nkomoko yabo, amikoro yabo cyangwa icyiciro cy'ubuzima barimo. Ariko icy'ingenzi kurushaho, "Turakubona" bisobanura ko tuba hafi yawe kugira ngo tugufashe gukira, tuguha ubuvuzi buhoraho butagucira urubanza kandi bugafasha abandi kugira ubuzima burushijeho kuba bwiza.
Ikirango cyacu gishya kigaragaza idubu ry'ingore n'icyana cyaryo—ikimenyetso cyo kwita ku bandi no kudacika intege.
Amadubu agaragaza imico myinshi, irimo:
- Imbaraga: Amadubu afite imbaraga kandi ntacika intege, kimwe n'abaturage duha serivisi buri munsi.
- Kurinda: Idubu ry'ingore ritanga ibikenewe kandi rikarinda iby'agaciro kurusha ibindi. Natwe ni ko tubigenza—turenza ubuvuzi bw'ibanze kugira ngo tugufashe kugira ubuzima burushijeho kuba bwiza.
- Amatsiko: Amadubu asanzwe agira amatsiko. Gufasha abandi, gukemura ibibazo, kunoza ibyavuye mu buvuzi no guhanga udushya mu buvuzi byose bisaba amatsiko, gutega amatwi no kwiga.
- Ubumwe: Nk'uko idubu n'icyana cyaryo bitajya bitandukana, muri Jordan Valley Health ntuzigera uhangana n'ibibazo by'ubuzima bwawe uri wenyine.
- Ubwuzuzanye: Amadubu agira imbaraga kandi akanagira ubugwaneza—ibyo bitwibutsa ko ubuvuzi bwiza buhuza kwigirira icyizere n'impuhwe.
Amadubu ari mu kirango cyacu agaragaza ukuntu twita ku bantu tubikuye ku mutima n'urukundo turangwa na rwo muri Jordan Valley Health, uko dushyigikira abakozi bacu n'abaturage dukorera, n'uko duha abarwayi bacu ubushobozi bwo kurinda ubuzima bwabo.

Itangazo rigenewe abanyamakuru

Urashaka kumenya byinshi ku ivugururwa ry'ikirango cyacu? Kanda kuri buto kugira ngo usome itangazo rigenewe abanyamakuru.

Niba uri umunyamakuru ukaba wifuza guhabwa inyandiko n'ibindi bikoresho bigenewe abanyamakuru, twandikire kuri Communications@JordanValley.org

Soma itangazo