Ishoramari rya miliyoni 1 y'amadolari ryo kongera amasaha yo gutanga serivisi muri Jordan Valley Community Health Center

Jordan Valley Community Health Center yakira abarwayi hatitawe ku bushobozi bwabo bwo kwishyura; kongera amasaha yo gukora bizatuma abarwayi badafite ikiruhuko cy’uburwayi cyangwa bahura n’ingorane zo kubona  uburyo bwo gutwara abantu, kwita ku bana, n’ibindi bibazo mu masaha asanzwe y’akazi babona serivisi mu yandi masaha.

Uyu munsi, Ikigo gishinzwe Ibikoresho na Serivisi z’Ubuzima (HRSA), ikigo kiri muri Minisiteri y’Ubuzima na Serivisi zigenewe Abaturage ya Leta Zunze Ubumwe za Amerika (HHS), cyatangaje inkunga ya miliyoni 1 y’amadolari (izatangwa mu gihe cy’imyaka 2) igenewe Jordan Valley Community Health Center, ikigo nderabuzima giterwa inkunga na HRSA kandi giha serivisi abantu 67,000 buri mwaka, kugira ngo cyongere amasaha yo gukora bityo cyorohereze abantu kubona serivisi z’ubuvuzi. 

Ni ayahe mashami yongereye amasaha yo gukora? Ayo masaha ni ayahe? Jordan Valley Community Health Center izakoresha inkunga ya HRSA kugira ngo irusheho korohereza abaturage ikorera kubona serivisi z’ubuvuzi z’ingenzi. Iyi nkunga izatuma ivuriro ry’abana rya Express Care n’ivuriro ryakira abafite indwara iterwa no gukoresha ibiyobyabwenge (SUD) batabanje gufata gahunda byongera amasaha yo gukora. 

Amasaha yongerewe yo gutanga ubuvuzi ni aya akurikira:
• Express Care y’abana - Ubuvuzi
o 1720 W Grand St, Springfield, MO 65802
o Kuva ku wa Mbere kugeza ku wa Gatanu | 07:30 - 18:30

• Indwara iterwa no gukoresha ibiyobyabwenge (SUD), ubuzima bwo mu mutwe n’imyitwarire, no gukurikirana imikoreshereze y’imiti 
o 618 N Benton, Springfield, MO 65806
o Kuva ku wa Mbere kugeza ku wa Gatanu | 07:00 – 19:00 

Uku kongera amasaha kuzatuma ubuvuzi bw’ingenzi buboneka byoroshye no mu masaha ya nimugoroba yongerewe, kugira ngo hakemurwe ibibazo byihutirwa by’abana barwaye indwara zitunguranye n’abantu bahanganye na SUD. Mu kongera igihe serivisi ziboneka no kugabanya inzitizi zo kubona ubuvuzi, Jordan Valley igamije kunoza ubuzima bw’abaturage bugarijwe no gushimangira ubuzima rusange bw’abaturage.

Ibi bigenewe ba nde?
Kubera ko ibigo nderabuzima byakira abarwayi hatitawe ku bushobozi bwabo bwo kwishyura, uku kongera amasaha yo gukora kuzaba ingenzi cyane ku bantu badafite ubwishingizi, bafite ubwishingizi budahagije, cyangwa bafite ubwishingizi bwa Medicaid kandi bagorwa no kubona ubuvuzi buhendutse hanze y’amasaha asanzwe y’akazi, bakaba badashobora kwishyura amafaranga menshi yo kwivuza mu mavuriro atanga ubuvuzi bwihutirwa, mu mavuriro yo mu maduka cyangwa mu mashami 
y’ubutabazi bwihutirwa. Iyi nkunga izanagoboka abarwayi b’ibigo nderabuzima bahura n’ingorane zisanzwe mu kubona ubuvuzi – urugero, kujyana umwana kwa muganga nyuma y’akazi cyangwa kubona gahunda yo kwivuza ku gihe mu gihe utameze neza mu mpera z’icyumweru – kandi izafasha guhuza abarwayi na serivisi zo gukumira indwara n’ubufasha bugenewe ibikenewe mu mibereho bifitanye isano n’ubuzima, kugira ngo ubuzima bwabo burusheho kuba bwiza. 
Muri ibi bihe, abarwayi benshi bahitamo kutivuza na gato, bigashyira ubuzima bwabo mu kaga gakomeye kurushaho kandi bigatuma bajya kwivuriza mu mashami y’ubutabazi bwihutirwa ahenze kurushaho igihe uburwayi bwabo bukomeye.
 

Kuki kongera amasaha?
Jordan Valley Community Health Center "Twemera ko buri wese akwiye kubona ubuvuzi bimworoheye, kandi twiyemeje gukuraho inzitizi no kunoza ubuzima n’imibereho myiza by’abaturage bacu. Inshingano zo mu buzima bwa buri munsi zishobora gutuma bigorana kujya kwa muganga mu masaha asanzwe yo ku manywa. Ni yo mpamvu twishimiye cyane kwagura serivisi zacu, tubikesha inkunga ya HHS na HRSA. Mu kongera amasaha yo gukora, turatuma buri wese mu baturage bacu arushaho kubona ubuvuzi bufite ireme byoroshye.

Ibi bivuze ko ababyeyi bashobora kuzana abana babo nyuma y’amasomo, abantu bakuru bakora bashobora gufata gahunda yo kwivuza mbere cyangwa nyuma y’amasaha yabo y’akazi, kandi abantu bahura n’ingorane zo kubona uburyo bwo gutwara abantu bakabona amahitamo menshi y’igihe cyo guhabwa ubuvuzi bakeneye. Aya masaha yongerewe azaha abantu ubundi buryo bwo kubona ubuvuzi hanze y’amasaha asanzwe y’akazi, aho kujya mu ishami ry’ubutabazi bwihutirwa. " Ibyo byavuzwe na Dr. Matthew Stinson, Umuyobozi Mukuru wa Jordan Valley Community Health Center.
HHS. “Nta muntu ukwiye gusubika cyangwa kureka kujya kwa muganga kubera akazi cyangwa ishuri. Abanyamerika babarirwa muri za miliyoni badashobora gusiba akazi ko ku manywa, bafite abana bari ku ishuri, bafite uburyo buke bwo kwita ku bana, cyangwa bahura n’ingorane zo kubona uburyo bwo gutwara abantu, bakwiye kugira amahirwe amwe yo kubona ubuvuzi bufite ireme,” ni ko Umunyamabanga wa HHS Xavier Becerra yavuze. “Izi nkunga zizafasha kongera amasaha yo gukora, cyane cyane ku barwayi bo mu byaro cyangwa mu bice bidahabwa serivisi zihagije 
hirya no hino mu gihugu. Ntewe ishema no kuba ndi mu buyobozi butagira uwo busiga inyuma.” 

HHS
“Nta muntu ukwiye gusubika cyangwa kureka kujya kwa muganga kubera akazi cyangwa ishuri. Abanyamerika babarirwa muri za miliyoni badashobora gusiba akazi ko ku manywa, bafite abana bari ku ishuri, bafite uburyo buke bwo kwita ku bana, cyangwa bahura n’ingorane zo kubona uburyo bwo gutwara abantu, bakwiye kugira amahirwe amwe yo kubona ubuvuzi bufite ireme,” ni ko Umunyamabanga wa HHS Xavier Becerra yavuze. “Izi nkunga zizafasha kongera amasaha yo gukora, cyane cyane ku barwayi bo mu byaro cyangwa mu bice bidahabwa serivisi zihagije hirya no hino mu gihugu. Ntewe ishema no kuba ndi mu buyobozi butagira uwo busiga inyuma.”

HRSA
Umuyobozi wa HRSA Carole Johnson yagize ati: “Kugira amahitamo yo kujya kwa muganga mbere cyangwa nyuma y’akazi cyangwa mu mpera z’icyumweru ntibifasha gusa imiryango kubona ubuvuzi ikeneye, ahubwo binafasha kugabanya zimwe mu mpungenge n’umutwaro imiryango ihura na byo mu gushaka uko yabona ubuvuzi. Inkunga ya HRSA irimo korohereza abantu kubona ubuvuzi mu buryo bwita ku mibereho ya buri munsi y’imiryango ikora hirya no hino mu gihugu.” Ibigo nderabuzima biterwa inkunga na HRSA bitanga serivisi z’ubuvuzi bw’ibanze—hatitawe ku bushobozi bw’umuntu bwo kwishyura—ku barwayi barenga miliyoni 31 mu hantu hatangirwa serivisi harenga 15,000, mu bice bifite abaturage bakeneye ubufasha cyane. Abarenga 90 ku ijana by’abarwayi b’ibigo nderabuzima bafite amafaranga binjiza ari munsi ya 200 ku ijana by’urugero rw’ubukene rushyirwaho na Leta ya Amerika. 

Kugira ngo ubone urutonde rw’abahawe inkunga bose uyu munsi, sura: https://bphc.hrsa.gov/funding/fundingopportunities/expanded-hours/fy-25-awards
Kugira ngo ubone ikigo nderabuzima, sura: https://findahealthcenter.hrsa.gov