A Ṭhanchonak le A Tinhmi Langhter dingin Hmin Thar le Hmel Thar

Jordan Valley Mipi Ngandamnak Zung nih zan ah a rianṭuantu hna sinah min thar le hmuh khawhmi hmel thar a langhter, cu cu a liamcia kum 20 chungah tampi a ṭhanchomi bu caah a biapi zetmi hmailei kalnak kar pakhat a si; Min thar cu-- Jordan Valley Health. A hmel thar a si ko nain, a tinhmi cu a thleng lo: ngandamnak zohkhenhnak hmuh khawhnak le pehtlaihnak hmangin mipi ngandamnak ṭhanchoter.  

Jordan Valley Health kong cu a hmasa bik sibawi, Dr. John Bentley, nih man pek a herh lomi sizung pakhat ah mah duhthlannak in rian a ṭuan i, riantuan ṭheumi ngandamnak zohkhenhnak ningcang chungah tel loin a ummi chungkhar tampi a hmuh tikah a thok. Cu a hmuhmi herhnak let dingah, a dinhthawktu CEO Brooks Miller nih Ozarks ah Jordan Valley Health onnak a hruai--mi vialte caah hmuh khawhnak, upatnak le ṭhatnak cungah a hram a bunhmi zohkhenhnak ningcang thar a langhter.    

Cu caan in, ngandamnak zohkhenhnak le mipi bawmhnak pehtlai dingah kan rianṭuannak le kan hmun hna kan kauhter. Khiah hmun ah kan um hmanh ah, kan tinhmi cu a thleng lo: zohkhenhnak hmuh cu a fawiter, inn he a naihter, le mi vialte caah a ṭhater ding. Kum 2025 ah, kan rianṭuan ṭihnihpi hna, mizaw hna le mipi aw ngaih dingah caan kan lak hna. Pakhat le pakhat le kan mizaw hna kan zohkhenhnak kan ṭhater khawh ning ruat dingah kanmah le kanmah kan zuamter--kan tuahmi lawng si loin, ze bantuk lungput in kan rian kan ṭuan ti khal ruat dingah.   

Cu zohfel caan chungah, bu min tling nih kanmah cu ze bantuk bu kan si ti a tling tein a langhter lo ti a fiang hung si. Jordan Valley Health timi min nih kan mizaw hna sinah kan pekmi zohkhenhnak kauhnak a ṭha deuh in a langhter i, kan hramthokmi khal a tlolh lo.   

Thartermi bu hmel ah kan rianṭuan ṭihnihpi agency, Fieldtrip, nih a suaimi hminsinnak thar khal a tel. Cu hminsinnak ah vom nu le a fa, an lang i, cu cu thazang, humhimnak, pehtlaihnak, theih duh nak le lainatnak hminsinnak a si. A hmasa thingkung hminsinnak cu, a hramthok ah Jordan Valley Park sinin hman siannak laakmi a si i, ngandamnak zung le park karlak ah bu hmel theihpalhnak a chuahter. Bu hmel ah a telmi hmuh khawhmi thil dang hna, cafang hmel telh in, nih mi cheukhat caah rel a harter khawh. Hmel thar cu kanmah ta a si, mi vialte a huap, cun mizaw hna le rianṭuantu hna nih ṭhatnak a ngeimi zohkhenhnak cu ze bantuk in hmuh a herh ti an chimmi cungah a hram a bunh.  

Hmel thar he a rak telmi cu a fiangmi thawng pakhat a si: “Kan In Hmu.” Cu cu slogan pakhat lawng a si lo, Jordan Valley Health nih mi kip cu upatnak, theihthiamnak le thiamlo cohnak a ngei lomi zohkhenhnak he ton dingah a tiamkamnak a langhter.  

“Kan hmel thar nih kan liamcia a upat i, rianṭuan ding kan tiamkamnak a fekter,” CEO, Dr. Matthew Stinson, nih a chim. “Kan rianṭuannak hmun dihlak ah thartermi hmel hmuh ding kan ngak, sihmanhsehlaw, a biapi deuhmi cu, kanmah ze bantuk bu kan si ti le kan zohkhenhmi mizaw hna karlak ah a ṭha deuhmi pehtlaihnak ngeih ding kan ngak.”  

Min thar le bu hminsinnak thar cu Jordan Valley Health hmun 10 ah kum 2026 chung le kum 2027 tiang thleng an si lai. Kum 2027 ah Jordan Valley Health nih a dinhthawknak kum 25 tlinnak a lawm lai.  

Jordan Valley Health Thawngthanhnak Thilbu, kan bu hmel ze ruangah thleng ding kan thim ti kong cahmai pakhat, JVH hminsinnak thar, bu hmel kong tlangpi hruaitu, kan CEO nun kong, A Biapi Konglam Tawi hna le Mipi Ngandamnak Report kong tlangpi a telmi, zoh dingah HIKAH hmet.