Jordan Valley Community Health Center le CoxHealth an i pumkhat 

Ngandamnak riantuan bu pahnih i rian tuantti nak thar nih Buffalo, MO ah ngandamnak zohkhenhnak a kauhter lai.

Springfield, MO— Buffalo, MO ah ngandamnak zohkhenhnak rian hna cakter deuhnak caah, Jordan Valley Community Health Center le CoxHealth nih rian tuantti ding an si thu an thanh. Hi rian tuantti nak ah, Jordan Valley nih Buffalo, Missouri, 119 N Ash Street i um sii zung kha a kilkawi lai. Hi rian tuantti nak hi khuasung mi hna nih an khua ah ngandamnak zohkhenhnak rian hril ding tam deuh an ngeih khawh nakhnga tuahmi a si.

“Mizaw zohkhenhnak caah kan i pekchanhnak cu a danglam lo,” tiah CoxHealth i Rian Tuanvo le Ukchuknak Senior VP Brock Shamel nih a ti. “Jordan Valley Community Health Center he rian kan tuantti nak thawngin, Buffalo khuatlang caah kan i pekchanhnak kha kan cakter deuh, khuasung mi hna nih an inn pawng ah zohkhenhnak tha an hmuh peng khawh nakhnga kan tuah.”

Ngandamnak zohkhenhnak famkim le mizaw a laifang i chiahmi a rian tuan ning ruangah minthangmi Jordan Valley nih sii zung i nifatin rian hna a kilkawi lai ih, khuatlang herhmi he a remmi rian kau deuh a chuahpi lai. Hi ah caktermi a hramthok ngandamnak zohkhenhnak, zawtnak khamnak rian hna le fonhmi ngandamnak program hna an i tel. Sii zung ah zohkhenhnak a hmumi mizaw hna cu Jordan Valley Community Health 
Center zohkhenhtu nih a zoh lai.

“Buffalo, Missouri ah CoxHealth he rian kan tuantti khawh ruangah kan lung a lawm,” tiah Jordan Valley i CEO Dr. Matthew Stinson nih a ti. “Kan pahnih in, mizaw hna rian tuanpiaknak sii zung i a hram bunhmi cungah kan sak chap ding le ha le thinlung ngandamnak zohkhenhnak bantuk rian hna a tel khawh nakhnga rian kauhter ding kan i tinh. Hi cu a hramthok ngandamnak zohkhenhnak lawng nakin tam deuh peknak a si: innchungkhar caah ngandamnak zohkhenhnak famkim kha phanh fawi hmun pakhat ah peknak 
a si.”

Riantuan ding thilri le thiamnak fonh in, Jordan Valley Community Health Center le CoxHealth nih an khuatlang i thlennak a um pengmi herhmi hna phuh khawh nakhnga ngandamnak zohkhenhtu hna nih zeitindah rian an tuantti khawh timi ah Southwest Missouri caah zohchunh ding an ser. Hi rian tuantti nak nih khawte hmun hna ah ngandamnak zohkhenhnak hmuh khawhnak tha deuh le a nguh peng khomi ser ding a tinhmi rian tuantti ning a karh chomi kha a langhter.

Jordan Valley Community Health Center kong
Jordan Valley Community Health Center cu Federally Qualified Health Center (FQHC) a si ih, khawte khuatlang hna telin Southwest Missouri hmun kip ah a tha le a famkimmi ngandamnak zohkhenhnak rian hna hmuh khawhnak tamter ding a tinhmi a si.

CoxHealth kong
CoxHealth cu laksawng a ngahmi peng huap ngandamnak riantuan bu a si ih, southwest Missouri hmun kip ah sizung 6, sii zung 80 nak tam, hmanhmawh zawtnak zohkhenhnak hmun 5 le riantuantu 14,000 nak tam a ngei. CoxHealth cu Missouri ah ngandamnak zohkhenhnak thatnak le mizaw himnak caah DNV Healthcare nih cohlanhnak a pekmi a hmasa bik sizung bu a si. CoxHealth i Springfield sizung hna a telmi Cox Medical Centers cu American Nurses Credentialing Center (ANCC) i 
 

Magnet Recognition Program nih Magnet® sizung ah a thim, cun CoxHealth cu U.S. News & World Report i Peng Chung Sizung Tha Biktak cazin ah kum 7 chung a telmi Springfield sizung umsun a si. Comparion® i ngandamnak zohkhenhnak thatnak a tahmi peng, CareChex® nih CoxHealth cu 
sizung rian zapi, sii lei le aatnak zohkhenhnak ah mizaw himnak caah U.S. sizung hna lak i a tha bik zateek 10 chungah a tel tiah a hngalhpi. Thawngpang tam deuh caah, www.coxhealth.com ah zoh.