Mizaw Covo le Tuahvo

Jordan Valley Health zawtnak ngeitu na si bantukin, a tanglei covo hi na ngei:
Upatnak, minung sinak sunlawihnak le lainatnak he zohkhenh na si ding.

1. Kum, nu/pa sinak, miphun, zumnak, biaknak, nupi/pasal ngeihnak, chuahkehnak ram, pum tlamtlinlonak, chuahkehnak he pehtlaimi thuhla, vun rong, mah le mah nu/pa sinak theihnak, duhdawtnak lei thinlung hernak, cozah bawmhnak ngahmi sinak, sualnak tuahmi cazin, asilole upadi nih a humhimmi bu dang pakhatkhat ruangah thleidannak um loin zohkhenhnak ngah ding.
2. Nangmah herhmi zulh in zohkhenhnak ngah ding. Jordan Valley nih holhleh bawmhnak kha man pek herh loin a tuahpiak. Jordan Valley nih na nunphung le thlarau lei zumnak le nangmah nih man na pekmi pawl kha, cu bantuk tuahsernak nih midang a hliam lo i a tha mi si lei zohkhenhnak a kham lo ahcun, a upat lai.
3. Min peknak le cheknak le thlopbulnak hmun pawl telh in, zohkhenhnak level vialte ah nangmah pumpak thuhla humhimh na si ding. Jordan Valley nih na cazin pawl a thup sinak le himnak kha a humhim hrimhrim lai i, na thuhla kha na onh lawng ah, si lei herhnak a um ah, asilole upadi nih a onhmi bantukin lawng 
   a cheuh khawh lai.
4. Nangmah ngandamnak cazin pawl zoh khawh ding.
5. Nangmah a lo zohkhenhtu sibawi pawl min le nangmah a lo bawmtu ngandamnak riantu dang pawl min le an rian hming theihter na si ding.
6. Na zohkhenhnak kongah theihhngalhnak he bia na khiah khawh nakhnga, na zawtnak theihngalhnak, na zawtnak a kal lai ning chimhchungnak le tuah ding a tha tiah ruahmi thlopbulnak kong kha na fiang khawhmi lam in theihter na si ding. Cu thuhla ah thlopbulnak nih a chuahpi khawhmi le tihnung pawl an i tel lai. Na ngandamnak dinhmun ruangah hi thuhla kha nangmah sinah 
   chim khawh a si lo ahcun, Jordan Valley nih a tlakmi na chungkhar member asilole upadi ningin na aiawhtu sinah a chim lai.
7. Sizung ah a hmangmi upadi le riantuan ning phung pawl zulh in le a ummi thilri le bawmhnak chungin zohkhenhnak pehzulh ngah ding.
8. Thiamnak he caan hman teah zohkhenhnak ngah ding.
9. Harnak ton caan ah a rang i a tlakmi thlopbulnak ngah ding ti ruahchan khawh ding.
10. Si lei herhnak a um ahcun, ngandamnak zohkhenhnak hmun dang ah thialnak le kuatnak caah a tha mi bawmhnak ngah ding.
11. Rian caan leng ah asilole harnak ton caan ah zohkhenhnak zeitindah ngah khawh a si ti thuhla ngah ding.
12. Si, thlopbulnak asilole si lei tuahsernak hnong khawh ding i, na hnongnak ruangah ngandamnak ah a chuak khawhmi pawl kong theihter na si ding.
13. Kanmah he bia chim in asilole ca kuat in na lungtlinlonak pawl kanmah sinah chim ding i, Jordan Valley hnenin sawnnak ngah ding.
14. Na zohkhenhnak bu nih an zulh dingmi Hmailei Zohkhenhnak Timhciahmi ngeih ding.
15. Hneksaknak tuahsernak asilole si lei zohkhenhnak hngalhnak kawlnak program pakhatkhat ah na i tel ding maw tel lo ding ti thim khawh ding.
16. Na sibawi, ha sibawi asilole ngandamnak zohkhenhtu dang he i ruah khawh ding asilole anmah thlen khawh ding.
17. Na zohkhenhnak caah man pek ding vialte le cu man pawl zeitindah pek ding a si ti chimh na si ding.
18. Na zohkhenhnak he a pehtlaimi chungah, Jordan Valley asilole na sibawi nih ngandamnak lei thiammi dang pawl asilole ngandamnak zohkhenhnak hmun dang pawl he an ngeihmi pehtlaihnak kong thuhla ngah ding.

Jordan Valley Health i mizaw na si bantukin, a tanglei rian hi tuah ding na tuanvo a si:
Atu na ngandamnak kongah na tonmi buainak, a liamcia na zawtnak kong le na ngandamnak he aa pehtlaimi a dang konglam cu Jordan Valley Health sinah a hmaanmi le a tlingmi in chim.

1. Na zawtnak hngalhchhuahmi, bawlnak timhmi, sii le na tuah dingmi pawl kha na hngalh le na hngalh lo kanmah chim. Na hngalh lo ahcun biahalnak tuah.
2. Na ngandamnak zohkhenhtu bu nih an timhmi bawlnak kha zulh law na zohkhenhnak ah tel.
3. Na hmuh ding caan kha tuah law a tiammi caan ah ra, cun na ra kho lo ahcun kanmah theihter.
4. Na bawlnak timhmi asilole na ngandamnak zohkhenhtu bu nih an pekmi ruahnak zulh lo na thim ahcun, na tuahmi caah tuanvo lak.
5. Zawtnak a karh lonak dingah asilole a karhnak donghter dingah Jordan Valley Health nih an hmanmi tuahning pawl kha zulh, tahchunhnak ah zawtnak zohfelnak biahalnak pawl phi, hmai khuh thlah asilole mi dang he hlat deuh in um.
6. Jordan Valley Health he nan lungtlinnak bantukin na zohkhenhnak man kha pek.
7. Jordan Valley Health i zulhphung le tuahning pawl kha zulh.
8. Jordan Valley Health i mizaw dang le riantuantu pawl kha upatnak he pehtlai.
9. Jordan Valley Health i thilri le hmunhma pawl kha upat.
10. Ihhmuahtertu sii asilole hngal loin umtertu sii a herhmi bawlnak tuah dih hnuah, asilole na kir tik i an pekmi tuah ding cawnpiaknak bantukin, a tlakmi kalnak le kirnak le inn i bawmhnak kha timh.
     

Na lungretheihnak pawl kha a rang thei bik in kan relfel hna lai. Jordan Valley Health nih na covo a upat lo asilole hi theihternak chung i a ummi tuah ding pawl a zulh lo tiah na ruah ahcun, na Jordan Valley Health Clinic kha pehtlai in manager pakhat he bia chim, cuticun na lungretheihnak pawl kha kan relfel khawh hna lai.

A tanglei lam pawl chung i pakhat khat hmang in Jordan Valley Health sinah na lungretheihnak asilole na phunzainak pawl zong na theihter khawh hna:

1. compliance@jordanvalley.org ah email kuat. 
2. Kan hotline (888) 692-6675 ah phone tuah. Na min langhter loin theihter khawh a si.

Phunzainak pawl kha a tanglei hmun ah zong na kuat khawh hna:
Missouri Ngandamnak le Tar Pawl Rianpek Canzung,
Ngandamnak Rianpek Ukhupnak Canzung
PO Box 570
Jefferson City, MO 65102
complaint@health.mo.gov

Miphun Covo Canzung kha zong (800) 368-1019 ah na pehtlai khawh.