Rendi Pfannenstiel

Dr. Rendi Pfannenstiel cu Jordan Valley Health i ha sibawi a si i, 2008 kum in a mizaw pawl cu lunglawm tein a zohkhenh hna. Ngandamnak lei rian a tuan duh ti cu a rak hngal ringring i, ha sibawi rian cu kut in mah tein tuan a herhmi rian a si caah a thinlung a la. College a kai lioah, Rendi cu Ronald McDonald Tooth Truck ah mah duhthawhnak in rian a rak tuan i, cu hmun ah cun Mobile Unit hmangin ha zohkhenhnak le mipi ngandamnak lei rian a duhdawtnak cu a hmuhchuah. A hleicein, ngakchia pawl cu anmah umnak hmun rori ah zohkhenh a duh. Rendi cu Southwest Missouri State University in Nunnak Thiamnak le Chemistry lei degree a ngah hnuah, University of Missouri–Kansas City School of Dentistry ah Doctor of Dental Surgery (DDS) degree a ngah.

Rendi nih ha zohkhenhnak cu mizaw cheukhat caah tihnung a si kho ti a hngalh caah, mi vialte cu ralringnak le zaangfahnak he a zohkhenh hna i, an tihmi pawl relpi le bawmh dingah caan a la. Ngakchia pawl nih ha sibawi hmun cu tihnung hmun ah zeitik hmanh an hmuh lo nakhnga, an i ton caan cu nuam a si nakhnga a zuam. A herh bak leng ha zohkhenhnak tuah a duh lo caah, Rendi nih mizaw pakhat cioh duhmi cu a ruahpiak zungzal hna i, "Keimah ha asiloah ka fa ha si sehlaw, zei dah ka duh lai?" tiah amah le amah a i hal.

Rendi cu Jordan Valley Health ih khualtlawn ha zohkhenhnak program hmangin a mizaw pawl zohkhenh pehzulh khawh a si caah upatnak a ngah tiah a ruat i, ha zohkhenhnak a herh bikmi pawl sinah a ttha mi ha zohkhenhnak cu a phanhpiak hna.