SPS le Jordan Valley nih siangngakchia pawl i hmuh khawhnak kauhter dingah an ṭuanṭi 

Springfield, MO., 2025 kum December ni 18 - Springfield Public Schools le Jordan Valley Community Health Center nih 2026 kum ah an thok dingmi hniksaknak program nganpi ruangah Springfield ngakchia tam deuh nih biapi ngandamnak zohkhenh hna cu ol tein an ngah khawh lai.

A ra lai kum hramthok ah, SPS sianginn 12 ah a kai mi siangngakchia hna nih sianginn kai caan chungah siibawi zohkhenhnak, haa zohkhenhnak le mit zohkhenhnak an ngah khawh lai. Hi a herh hrimhrimmi zohkhenhnak hna hi mah rian ca lawng i hmanmi khualtlawng sii khan hna hmangin sianginn ah tuah a si lai. Hi thawhṭinak nih innchungkhar cheu nih ṭha tein ngandamnak zohkhenhnak an ngah khawhnak a khamtu biapi hna, kalnak ratnak le rian in caan lak a herhnak telh in, hlonh a tum.

“Kan siangngakchia hna le an innchungkhar hna cu an herhmi zohkhenhnak he pehtlaihsak dingah hi thawhṭinak kan tuahmi hi kan lung a tho ngai,” tiah Sianginn Uktu Grenita Lathan nih a chim. “Hi thawhṭinak cu Springfield ngakchia hna caan saupi ngandamnak le sianginn cawnnak hlawhtlinnak caah fek tein kan i peknak a si. Jordan Valley Community Health Center nih a pekmi zohkhenhnak hna nih kan siangngakchia hna an ngandam i cawn dingah timhcia an si khawhnak lawng si loin, siibawi zoh dingah kal tikah cawnnak khaan lengah an um a herhmi caan zong a tlawmter ngai.”

Campbell Early Childhood Center; Bowerman, Boyd, Fremont, Truman, Watkins, Weller le Williams hramthok sianginn hna; Academy of Exploration; Reed Middle School; Pleasant View K-8; le Hillcrest High School ah a kai mi siangngakchia hna nih hi zohkhenhnak hna hi an ngah khawh lai. 

“Hi innchungkhar hna he pehtlaihnak ṭhanchoter ding le atu le hmailam ah an ngandamnak zohkhenhnak a herhmi hna bawmh ding cu kan i ruahchan,” tiah Jordan Valley Community Health Center CEO Dr. Matthew Stinson nih a chim. “Kan khualtlawng sii khan hna hman a si ruangah, nu le pa hna le ngakchia zohkhenhtu hna nih rian in caan lak an herh lai lo, asilole an umnak veng leng i zohkhenhtu sinah an ngakchia hna kuat ding zong an lungre a herh lai lo.”

December thla ah, innchungkhar hna nih pek a simi zohkhenhnak hna kong le an ngakchia hna caah ton caan an khiah khawh ning kong theihternak ca hna an dong. Haa zohkhenhnak asilole siibawi zohkhenhnak ca Medicaid le siibawi zohkhenhnak ca aamahkhan a ngeimi siangngakchia hna nih hi zohkhenhnak hna hi an ngah khawh lai. Hi zohkhenhnak hna caah siangngakchia asilole an innchungkhar nih tangka pek a herh lo. 

Pek a simi zohkhenhnak hna ah a tanglei hna hi an tel:

• Ngakchia Zohkhenhnak: ralchanh sii chunhnak, taksa zohfelnak le lentecelhnak ca taksa zohfelnak, hrawm natnak strep le flu rang tein zohfelnak, ṭhanchonak zohfelnak le ngandamnak zohfelnak.
• Haa Zohkhenhnak: kim tein zohfelnak, haa thianhlimhnak, fluoride, haa humtu sii, x-ray, haa ṭhatternak le haa phawhnak  
• Mit Zohkhenhnak: mit zohfelnak le mitkharh a kaihmi tuahpiaknak

“Siangngakchia hna an ngandam tikah cawn dingah timhcia an si,” tiah SPS Siangngakchia Ngandamnak Zohkhenhnak Uktu Lee Ann Neill nih a fianter. “A ngan lomi natnak hna damh, haa fahnak damh, asilole mit hmuhnak buainak hna ṭhatternak nih siangngakchia pakhat nih a ruahnak pumpek khawhnak, a tel khawhnak le sianginn cawnnak ah hlawhtlin a ngah khawhnak cungah hmunteo in ṭhatnak a chuahter.”

“Hi ngakchia hna nunnak ah ṭhatnak tuahpiak ding le hmailam ah a dang sianginn hna ah zohkhenhnak hna karhterin kan bawmh khawhmi karhter ding cu kan i ruahchan,” tiah Jordan Valley Rianṭuanhnak Uktu Bawi Dr. Nick Pfannenstiel nih a chim.