Kristy Carter Cu Ingram’s Nih Na Hngalh Awk A Si Mi Missouri Mi 50 Lakah Thim A Si

SPRINGFIELD, MO — Jordan Valley Health Foundation i Executive Director Kristy Carter cu Ingram’s i Na Hngalh Awk A Si Mi Missouri Mi 50 lakah thim a si. Hi kum fatin pekmi upatnak cu an tuahmi rian le hruainak thawngin Missouri ramchung khuaveng hna ah a biapi mi thlennak a chuahtertu Missouri mi hna langhternak a si. Carter cu Missouri ramchung chungkhar hna a konghnuaih mi, pakhat le pakhat a pehtlaimi harsatnak pahnih: ngandamnak zohkhenhnak hmuh khawhnak le rawl hmuh khawhnak, relfel dingah a zuamnak ruangah upat a si. Jordan Valley Health Foundation ah rian a lut hlanah, Carter cu Ozark, MO i rawl bawmhnak bu Least of These ah kum 10 chung rian a tuan. A rian tuan lio ah, cu bu nih hlanah a ton bal lomi bawmhnak herhmi tampi a tong ih, thla fatin chungkhar 1,400 nak tam deuh a bawmh hna. Kum khat rian kalternak tangka hman ding cu $5 million tluk a si. 

“Ingram’s i Na Hngalh Awk A Si Mi Missouri Mi 50 lakah thim ka sinak hi upatnak ropi zet a si,” tiah Carter nih a ti. Mi vialte nih ngandam le hmasawn khawhnak caan an ngeih awk a si tiah a zumtu bu le rian tuantu pawl hna i member ka si khawhnak ah ka lung a lawm.”2025 kum April thla ah, Carter cu Jordan Valley Health i mi bawmhnak bu a si mi Jordan Valley Health Foundation i a hmasa bik Executive Director ah a cang. Hi rian ah hin, ngandamnak zohkhenhnak caah a tlangpi in hmuhmi tangka nih a phanh lomi herhnak hna Jordan Valley Health nih a phanh khawh nakhnga a bawmtu tangka khawnnak rian hna a hruai.
 

Jordan Valley Health Foundation Kong
Jordan Valley Health Foundation nih mi bawmhnak le khuaveng bu hna he rian tuan tinak thawngin khuaveng ngandamnak hmasawnter dingah Jordan Valley Health a thazaang pek ih a bawmh. Foundation nih ngandamnak zohkhenhnak hmuh khawhnak a khamtu hna hlonh le Jordan Valley Health i mina le riantuantu hna caah a tangkai mi bawmhnak hna pek dingah rian a tuan.

Jordan Valley Health Kong
Jordan Valley Health cu khua te hna telh in Southwest Missouri ramchung hmun kip ah a ṭha le a kimchang mi ngandamnak zohkhenhnak rian hmuh khawhnak karhter dingah a hmuitin mi Federally Qualified Health Center (FQHC), federal cozah nih a tlin tiah a hman mi ngandamnak hmun, a si.

Ingram’s Magazine Kong
Kum 50 chung, Ingram’s Magazine cu Missouri le Kansas ramchung ah chawhlehnak thuthang, ruahnak le theihternak hna caah a hruaitu thuthang hmuhnak pakhat a si. A cachuahmi le a online hmun Ingrams.com thawngin, Ingram’s nih hi ram pahnih ramchung i chawhlehnak, thil chuahnak rian le chawhlehnak hmasawnnak kalning hna kong cipciar in a langhter.