Jordan Valley Health nih Hepatitis C hniksaknak a lakin a pe

Springfield, MO — May ni 19, Ni 2 ni ah a tlukmi Ram Pumpi Hepatitis Zohfelnak Ni thazang peknak ah, Jordan Valley Health nih
2026 kum August ni 31 tiang Hepatitis C (Hep C) a lakin zohfelnak a tuah lai. Hi hnaṭuan hi virus ruangah a chuakmi hepatitis kong
hngalhthiamnak chap, a hmanhmanin zohfel dingin forh le nunnak a run kho mi zawtnak damternak he mibu pehtlaihnak caah ram pumpi hnaṭuannak chung i pakhat a si.

Jordan Valley Health nih a sizung hmun tam deuh ah a rang, thuruk a kilvenmi le a lak a simi Hepatitis C zohfelnak a tuah lai.
Hi zohfelnak hi mi vialte caah a onmi a si i, telmi sizung hmun ah caan khiah lawk a herh lo.

Hepatitis C Zohfelnak A Biapitnak A Ruang
Centers for Disease Control and Prevention (CDC) nih a chim ningin, United States ah mi 2,000,000 nak tam nih Hepatitis C an ngei i, mi tampi nih an ngeih hman an hngal lo. Hepatitis C nih kum tampi chung
zawtnak langhtertu a chuahter lo tawn caah, damter loin chiahnak nih ngandamnak buainak a nganmi, thin rawhnak, thin a hak i a riammi zawtnak (cirrhosis), thin
cancer le thin hna a ṭuan kho lonak tiang a phakter khawh. Lunglawm a ummi cu, nihin damternak nih 95% nak tam kha
kaa in dinmi sii he a damter khawh i, sii ruangah a chuakmi ṭhat lonak a tlawm. CDC nih upa vialte cu an nun chung ah Hepatitis C voikhat tal
zohfel dingin a ruahnak a pek, cun zawtnak ngeihnak ṭih a tamtertu thil a ngeimi hna cu a tam deuh in zohfel dingin a ruahnak a pek.

Ahodah Zawtnak Ngeihnak Ṭih A Ngei
Hepatitis C cu zawtnak a ngeimi thisen he tonghnak in a karh. Mi zeipo nih Hepatitis C an ngei khawh nain, zawtnak ngeihnak ṭih a tam deuhmi hna cu
rittheih sii a chiu dahmi, 1992 kum hlan ah thisen a thun dahmi, asilole ngandamnak
buainak cheukhat a ngeimi le zawtnak karhtertu thil he a tong dahmi hna an si.

A hmanhmanin zohfelnak cu mah le mah ngandamnak le mibu ngandamnak kilvennak caah a biapimi hnaṭuannak a si. A hma tein hmuhnak nih
damternak a hma deuh in thawk khawhnak le caan sau buainak ngeihnak ṭih tlawmter khawhnak a pek.

“Kan mibu nih Hepatitis C cu a damter khawhmi a si tawn, a hleicein a hma tein hmuh a si ahcun, timi an hngalhthiam kan duh,” tiah
Jordan Valley Health i Hnaṭuannak Director Karen Barrand nih a chim. “Hep C a ngeimi mi tampi cu zawtnak langhtertu an ngei lo,
cu ruangah zohfelnak hi a biapi tuk. Na zawtnak ngeih le ngeih lonak hngalhnak nih na caan sau ngandamnak kilven le
a nganmi thin zawtnak khamnak ah bawmh khawh a si.”

Jordan Valley Health ah khuazei le zeitindah zohfelnak na hmuh khawh timi kong tam deuh hngalh na duh ahcun, JordanValley.org/FreeTest ah zoh

Jordan Valley Health Kong
Jordan Valley Health cu ram cozah nih a tlinmi tiah a cohlanmi Ngandamnak Hmun (Federally Qualified Health Center, FQHC) a si i, khua hme mibu hna telh in Southwest Missouri ram chung vialte ah a ṭha tukmi,
a famkimmi ngandamnak zohkhenhnak hnaṭuannak hmuh khawhnak chap ding a tinhmi a si.