Jordan Valley Health nih Dr. Clint Strong cu Sibawi Hotu Bik ah a thim

Springfield, MO — Jordan Valley Health nih a Siher Lam Hruaitu Bawi (CMO) thar ah Dr. Clint Strong a chiahmi cu 2026 kum June thla ni 1 in a rian a thawk lai tiin lunglawm tein a thanh. 

Ralring tein le thimṭhat tein mi kawl hnu ah, Jordan Valley Health hruaitu hna nih Dr. Strong cu phu nih a siher lam rianttuantu bu hruai ding le Southwest Missouri pumhlum ah mi vialte nih an ngah khawhmi, a ṭhatnak a sangmi ngandamnak zohkhenhnak peknak an tinhmi thil cu ṭhangcho ter peng dingah a tlak bikmi a si tiah an hmuh. 

Dr. Strong nih Jordan Valley zawtnak neitu hna le khuatlang hna cu kum 14 tluk a zohkhenh cang hna. A rianṭuan chungah, phu chung i pehtlaihnak fek a tuah pahin zawtnak neitu zohkhenhnak ṭhangcho ternak ah a biapi ngaingaimi rian a ṭuan. A siher lam tonnun ah ngakchia siher, sizung i zawtnak neitu hna zoh, Express Care le peng chung i siher khaan hna telin lam tampi a tel, cu nih zawtnak neitu hna an herhmi le phu nih rian a ṭuan ning kha ṭha tein a theihter. 

“Dr. Strong nih kan tinhmi thil a biapi ah a ruahnak, siher lam tonnun tam a ngeihnak le zawtnak neitu a laifang ah chiahmi zohkhenhnak ah a pumpek cu hi rian caah a ṭha ngaingaimi thim ding mi a siter,” tiah Rianṭuan Lam Hruaitu Bawi Dr. Nick Pfannenstiel nih a ti. “Siher Lam Hruaitu Bawi a si ningin a chuahter dingmi ṭhatnak hmuh ding kan hiar ngaingai i, Jordan Valley Health le kan zohkhenhmi khuatlang hna caah rian a ṭuan pengnak caah lunglawmhnak kan ngei.” 

Siher Lam Hruaitu Bawi a si ningin, Dr. Strong nih siher lam thiamnak vialte ah siher lam le rian timhlamh ciahnak hruainak a pe lai i, Jordan Valley Health nih a pehtlai ter ciami zohkhenhnak ning cu tam deuh le fek deuh in tuah dingah Ha Siher Lam Hruaitu Bawi Dr. Ashley Popejoy he nai tein rian a ṭuan lai.  

“Jordan Valley Health cu kum 13 leng ka rianṭuannak inn a si cang i, Siher Lam Hruaitu Bawi rian laak ding hi upatnak nganpi ka co tiah ka ruah,” tiah Dr. Strong nih a ti. “Kan zawtnak neitu hna le khuatlang hna zohkhenhnak ah an pum a pe taktakmi, a ṭha ngaingaimi zohkhenhtu hna, zohkhenhnak bu hna le rianttuantu hna he rianṭuan tlangnak thlawsuah ka co. Cu kan tinhmi thil cu ṭhangcho ter peng ding ka hiar ngaingai.” 

Jordan Valley Health Kong 
Jordan Valley Health cu Federal cozah nih a tlamtling tiah a pommi Ngandamnak Hmun (FQHC) a si i, khua hla khuatlang hna telin Southwest Missouri pumhlum ah a ṭhatnak a sangmi, a kimmi ngandamnak zohkhenhnak rian hna cu mi tampi nih an ngah khawh deuhnak ding a ngaih biapi.