Jordan Valley CEO a si dingin siibawi an thim

Springfield, MO - Jordan Valley Community Health Center (JVCHC) Hruaitu Pawl nih bu hruaitu bawi thar le CEO a si dingin Matthew Stinson, M.D., an thimnak hi lunglawm tein an thanh. Atu ah Dr. Stinson cu Jordan Valley i Ahram Ngandamnak le Lungthin le Ziaza Ngandamnak Riantuan Hna lei Riantuan Hruaitu Bawi Nulei a si i, riantuantu pawl lakah kum 17 chung a um cang. 2024 kum June thla ni 1 ah JVCHC i Hruaitu Bawi le CEO rian cu upadi ningin a kai lai.

Atu Hruaitu Bawi le CEO a si mi K. Brooks Miller nih 2024 kum ah rian in a dinh ding thu a thanh hnu ah, Hruaitu Pawl nih 2023 kum donghlei ah hruaitu hawlnak le rian laknak an thawk. Miller nih kum 20 nak tam deuh liam cang ah Federal cozah nih a cohlan mi Ngandamnak Sizung dinhnak ah a bawmh. A hruainak tangah, Jordan Valley cu Springfield hmun tampi ah sii lei, ha lei, mit lei le a dang riantuan hna a pek khawh tiang a kauhter i, Hollister, Lebanon, Marshfield le Republic ah zong sizung hna a ngei. Atu ah JVCHC nih hi peng chungah mi 730 nak tam rian a pek.

"Hruaitu hawlnak kan thawk tikah, hruaitu pawl nih bu a dirhtu hruaitu a dinh ruangah mah bantuk thlennak a ton cang mi an riantuantlangpi pawl hnen in ruahnak hal dingah caan an pek," tiah Hruaitu Pawl i Chairman Mike Schnake nih a chim. "Mah tinh tein kan tuah mi hna nih kan bu nunphung humhimnak, kan damlo pawl riantuanpeknak a pakhatnak ah chiah le Jordan Valley hmailei zong hlawhtlinnak a ngeih peng khawhnak caah, fek te le tluang tein hruaitu thlennak kan duh mi he a rem mi kalning le rian laknak khuaruah an ser. Mah tinhmi le hmuhning tlamtlin dingah Dr. Stinson i thil ti khawhnak cu pumhlum tein kan zumh."

Dr. Stinson cu 2007 kum ah innchungkhar sii saya a si in JVCHC ah a lut i, 2010 kum ah Sii Lei Hruaitu rian a kai. 2014 kum ah Jordan Valley i riantuan hruaitu pawl lakah a lut i, Express Care, lungthin le ziaza ngandamnak zohkhenhnak a dang ngandamnak riantuan hna he komhnak le mit zohkhenhnak riantuan hna bantuk program kauhternak ah hmailei tinhmi he pehtlai mi rian a tam deuh in a tuan.

Dr. Stinson cu Southwest Baptist University le St. Louis University School of Medicine in sianginn a dih mi a si. Greene County Medical Society i hruaitu bawi a si dah i, Child Advocacy Center bantuk tualchung hlanghlei hlawk tlaih lo bu hna ah hruaitu pakhat a si in rian a tuan dah. State lei ah, a rau hrih lo mi ah MO HealthNet i A Hlan Tein Phalnak Peknak Committee ah rian a tuan. Dr. Stinson cu fa laknak caah a dirkamtu a si i, harnak le tihnung a ton mi ngakchia pawl zohkhenhnak ah lungthin taktak a pe. A nupi Chandra he an i thitnak kum 28 a si cang i, fa 11 an ngei, an chuahmi 5 le an lakmi 6 an si. Rian lengah, Dr. Stinson cu atu inn ah a um mi an fa 7 he hna tampi a tuan i, a cangvai tuk.

"Hi caantha ka ngah ruangah ka tangdor i ka lung a lawm," tiah Dr. Stinson nih a chim. "Jordan Valley i tinhmi, ngandamnak zohkhenhnak ngah khawhnak ttha deuhter le thiamnak sang le zaangfahnak he peknak ah lungthin taktak a pe tlang mi, thiamnak a sang tuk mi riantuantu pawl hruai ding cu upatnak ka ngahmi a si lai. Kan damlo pawl a sang bik ningin riantuanpeknak caah thil thar sernak ah kan lungthin kan pe pengmi in kan cahnak a ra. Mah rian ah atu tuah rero mi project hna, a kau deuh mi damlo pawl caah online luhnak he Epic i electronic ngandamnak cazin (EHR) ah kan thlen zikmi, sii lei le ha lei bawmtu rianzirnak caah kan cawnpiaknak thilri tam deuhternak le kan Upa Pawl caah Zohkhenhnak Diar Hna Aa Tel dih mi Program (PACE) onnak hna an i tel."

"Brooks Miller i midang riantuanpeknak he hruainak zohchun awk cu Jordan Valley i ahram ah a hmun peng ding mi ki lung a si lai," tiah Hruaitu Pawl i Chairman Schnake nih a chim. "Ngandamnak zohkhenhnak ngah khawhnak ttha deuhter le damlo a biapi bik ah chiah mi zohkhenhnak ningcang kauhternak caah hruaitu dirkamtu a si zungzal lai. Kan riantuanpek mi vialte caah a danglam lo mi an pekchanhnak ruangah amah le Jordan Valley riantuantu pawl vialte cungah kan lung a lawm tuk."