Na Voikhatnak Rak Zohnak Caah
Timhcia In Um

Na phak tikah, Mina Bawmtu nih a lo hmuak lai i min peknak le a herhmi form pawl kong ah a lo bawmh lai. Na hmanthlak a ummi ID, insurance card*, le na ei lengmangmi sii cazin kha ken ding hngilh hlah.

*Insurance na ngeih lo ahcun, na lut khawh ding a simi program pawl kong kan lo chimh lai, a telmi cu Man Tlawmtuknak Program asilole Medicaid bantuk pawl an si. A hmailei kar na hlan khawh nakhnga dawnkhantu zeizong vialte kha kan pahnih in kan thian lai. 

Na zohkhenhtu le na zohkhenhnak bu he nan i tong lai. Na lungretheihnak pawl an ngai lai, na biahalnak pawl an let lai, cun na herhmi he a tlakmi zohkhenhnak timhtuahnak ser dingah nangmah he an riantuan lai. Hihi ah na herhning in inn, rian, rawl, sii, sii lei man i mah tein pek dingmi bawmhnak, le/asilole appointment ah feh le kirnak caah bawmhnak na hmuh nakhnga Khuachung Ngandamnak Riantuan (CHW) he pehtlaihnak tuah a tel kho.

Na ngandamnak kong a hlan thil pawl, a hlan i na hmuhmi zohkhenhnak, le na tinhmi pawl kong kan lo hal lai. Hihi nih na sining vialte hngalh dingah a kan bawmh i na Health Home kan sinak in nangmah caah a tha bikmi zohkhenhnak kan lo pek khawh nakhnga a si. Chungkhar dih caah rian bawmhnak phun tampi kan pe, cu ti cun na rak zoh tinten cu na ngandamnak pehzulh in ṭhanchoter dingah thlengnak kar pakhat a si.

Na min na pek lomi a si ahcun, na Zohkhenhnak Bu nih MyChart download tuah dingin an bawmh lai.

Na tuah dingmi a dang pawl kongah na Zohkhenhnak Bu he pehtlaihnak na ngeih peng nakhnga kan duh. Cu hna ah ton than dingmi, thisen le a dang cheknak pawl, asilole riantuanpiaknak a dang pawl an tel. Himi hmangin cheknak a phi pawl zong na zoh khawh lai i, biahalnak hal dingah asilole nganpiakmi sii chap than ding halnak ah na zohkhenhtu sinah ca na kuat khawh lai.

Na tlung hlanah, na tlung ding thu theihternak tuah i, na zohkhenhtu nih a ruahpiak ahcun ton than ding caan zong khiah cia.