Pumpak Thuhli Kilven Ningcang Theihternak

Hi theihternak nih nangmah kong sii lei konglam cu zeitindah hman le phuan a si kho timi le hi konglam hi zeitindah na hmuh khawh lai timi a langhter. 

Hi theihternak nih Jordan Valley Health (JVH) in nangmah kong sii lei konglam cu zeitindah a hman le a phuan khawh timi; nangmah kong sii lei konglam hman le phuan chungah tuanvo ngeihmi hna le JVH nih a ngeihmi nangmah kong sii lei konglam vialte he aa pehtlaimi na covo hna a chimfiah lai. Hi theihternak hi JVH sii zung hna, sianginn riantuannak hna, kal leng in pekmi riantuannak hna, inn ah pekmi riantuannak hna le upa zohkhenhnak inn riantuannak hna chungah asilole cu hna nih an tuahmi sii lei cazin hna cungah a hman a si. Hi hmun le riantuannak hna hi hmailam ah Jordan Valley bu hna tiah auh an si lai. Umtu zia le thinlung ngandamnak lei cazin hna cu sii lei cazin chung i telmi an si caah sii lei cazin bantukin phuan an si lai timi kha hngalh law. 

Hi theihternak nih JVH le a bu aiawh in riantuannak a petu zohkhenhtu pakhatkhat nih nangmah i Kilvenmi Ngandamnak Konglam (PHI) he pehtlai in an tuah ningcang hna zong a langhter. Cu konglam cu Jordan Valley Health bu hna i mizaw na si lio ah tuahmi a si. JVH aiawh in rian a tuantu zohkhenhtu hna le riantuan vialte zong hi theihternak hi an zulh a herh. Cu lengah, hmunkhat i rian aa tuantti zohkhenhtu hna le riantuan hna nih hi theihternak chung i langhtermi sii daihnak, tangka peknak asilole ngandamnak lei riantuannak caah pakhat le pakhat sii lei konglam an i hrawm khawh. Upadi nih a herh ningin, JVH nih nangmah a langhtermi sii lei konglam cu thuhli in kilven a si ding, JVH i upadi lei tuanvo hna he aa pehtlaimi pumpak thuhli kilvennak phunglam hna cu na hmuh khawh ding le hi phunglam hna cu caan he aa tlakmi an si ding a tuah. 

Mizaw lei Hman Ningcang Theihternak Pehzulh

Jordan Valley bu hna i mizawtnu na si bantukin, JVH ah nangmah zohkhenhnak i a telmi zohkhenhtu hna cu Jordan Valley bu hna i rianṭuantu asilole aiawhtu an si lo kho, cun JVH caah asilole JVH aiawh in rian an ṭuan lo kho timi na hngalh. Anmah cu kan mizawtnu hna zohkhenhnak caah JVH hmunhma hman khawhnak nawl pekmi, mah tein rian a ṭuanmi zohkhenhtu hna an si. Jordan Valley bu hna i mizawtnu na si bantukin, nangmah zohkhenhnak le siiinnak he aa pehtlaimi sii lei biakhiahnak hna cu JVH siloin, cu sibawi hna nih an tuah kho timi na hngalh. 

Hi Pumpak Thuhla Kilvenning Theihternak chung ummi kongah biahalnak na ngeih ahcun, asilole hi Pumpak Thuhla Kilvenning Theihternak chung ummi thuhla pakhatkhat kongah hi hmun i mi pakhatkhat chawnh na herh ahcun, hika hin pehtlaihnak tuah: 

Pumpak Thuhla Kilvennak Rianvo Ngeitu, PO Box 5681, Springfield, MO 65801  | Fawn: (417) 851-1556 

Siizung ṭhen hna, rianṭuantu hna, sibawi hna, ha sibawi hna le adang JVH rianṭuantu hna lengah, a tanglei minung hna nih zong hi Pumpak Thuhla Kilvenning Theihternak chung i tialmi rianṭuanning hna hi an zulh lai: 

  • Na sii lei cazin chungah thuhla tial luh khawhnak nawl a ngeimi ngandamnak lei rianṭuantu paoh. 
  • Kan hmunhma chungah na um lio i bawmh kan siangmi pumpek bu chungtel paoh, tlawngta, sii lei cawnlaih sibawi, asilole rian cawnlaihmi paoh.

SII LEI THUHLA HMANNAK LE PHUANNAK 

JVH nih nangmah he aa pehtlaimi sii lei thuhla cu siiinnak, rian tuahpiaknak man peknak asilole ngandamnak zohkhenhnak rianṭuannak caah a hmang kho asilole a phuang kho. JVH nih na kilvenmi ngandamnak thuhla (PHI) cu adang zohkhenhtu pakhat i siiinnak rianṭuannak, adang zohkhenhtu pakhat i tangka peknak rianṭuannak le ṭuanṭi bu dang pakhat i ri khiahmi ngandamnak zohkhenhnak rianṭuannak cheukhat caah zong a phuang kho. 

Siiinnak Caah: Nangmah siiinnak asilole rian tuahpiaknak pek khawh na si nakhnga, JVH nih nangmah thuhla cu nangmah siiinnak i aa telmi sibawi hna, ha sibawi hna, sii saya/sayama hna, thiamnak lei rianṭuantu hna, ngandamnak lei tlawngta hna asilole adang rianṭuantu hna sinah hman asilole phuan a herh kho. JVH rianṭuannak chung i ṭhen hna nih nangmah zohkhenhnak remh khawh nakhnga na sii lei thuhla an hrawm kho. JVH nih JVH hmunhma na chuah hnu i nangmah sii lei zohkhenhnak i aa tel kho dingmi, tahchunhnak ah inn i ngandamnak zohkhenhnak bu hna, na chungkhar, harnak cang i bawmhtu hna asilole caan sau zohkhenhnak hmun hna sinah zong na sii lei thuhla a phuang kho. 

Tangka Peknak Caah: JVH nih JVH sinin na hmuhmi siiinnak caah tangka halnak le man hmuhnak caah na sii lei thuhla a hmang kho i a phuang kho. 

Ngandamnak Zohkhenhnak Rianṭuannak Caah: JVH nih ngandamnak zohkhenhnak rianṭuannak caah na sii lei thuhla a hmang kho i a phuang kho. Zohkhenhnak ṭhatnak asilole a hlawhtlinnak zohchihnak le ngandamnak zohkhenhnak bu dang hna i thuhla he tahchunnak caah nangmah le adang JVH mizawtnu hna i sii lei thuhla cu komh khawh a si. Na pumpak thuhla kilvennak caah thuhla kan komh tikah, nangmah a langhter khomi thuhla paoh kan hlonh lai; hi cu “a langhning in minung theih khawh lonak thuhla” tiah auh a si. 

Aa Pehtlaimi Ṭhathnemnak le Rian Tuahpiaknak Hna: JVH nih kanmah he tonnak caan na ngeihmi nangmah theihter ṭhannak caah ngandamnak thuhla a hmang kho i a phuang kho. JVH nih nangmah nih na duh kho dingmi siiinnak lam dang hna asilole ngandamnak he aa pehtlaimi ṭhathnemnak le rian tuahpiaknak hna kong nangmah chimh khawh nakhnga zong ngandamnak thuhla a hmang kho i a phuang kho. 

Nangmah Zohkhenhnak Asilole Nangmah Zohkhenhnak Man Peknak I Aa Telmi Hna. Aa tlak tikah, JVH nih na chungkhar asilole na hawikom ṭha bantuk nangmah sii lei zohkhenhnak asilole nangmah zohkhenhnak man peknak i aa telmi pakhat sinah ngandamnak thuhla a hrawm kho. Na umnak hmun asilole na sining tlangpi kong zong na chungkhar kan theihter kho, asilole cu bantuk thuhla cu khuachiatnak bawmhnak rianṭuannak i a bawmtu bu pakhat sinah kan phuang kho. 

Zohfelnak Caah: JVH nih na PHI cu nangmah nawlpeknak he zohfeltu hna sinah a hrawm kho, asilole an zohfelnak tinhmi a zohchih i na kilvenmi ngandamnak thuhla pumpak si ning kilvennak caah rianṭuanning hna (nawl halnak chuahhlohnak) a khiahmi bu lei zohchihnak bu (IRB) nih an zohfelnak a pomh tikah a hrawm kho. 

HI HMANNAK ASILOLE PHUANNAK PAKHATKHAT CU 42 CFR PART 2 TELH IN UPADI KHENG DEUH NIH RI A KHIAH AH CUN, CU KHENG DEUHMI HERHBAWMHNAK HNA CU KAN ZULH LAI. 

NANGMAH NAWLPEKNAK A HERH LOMI SII LEI THUHLA HMANNAK LE PHUANNAK HNA:
Harnak cang tikah, upadi nih thuhla cheukhat hman asilole phuan dingin JVH a fial tikah, asilole nangmah sinin nawlpeknak laknak ah pehtlaihnak dawnkhamnak nganpi a um tikah, JVH nih nangmah nawlpeknak um loin na sii lei thuhla a hmang kho asilole a phuang kho. A tanglei sining hna ah nangmah nawlpeknak um loin na ngandamnak thuhla hman asilole phuan dingin JVH a herh kho: 

  • Ramkip, federal, peng asilole khuachung upadi nih a fial tikah. 
  • Fialmi zawtnak kong report peknak le adang bantuk mipi ngandamnak rianṭuannak caah hman asilole phuan a si tikah; 
  • Hremnak, zohkhenh lonak asilole innchungkhar tharum hmannak a ingmi hna kong thuhla report pek a si tikah 
  • Cazin zohfelnak, ṭhialnak, laisen peknak asilole disiplin lei cawlcanghnak, asilole upadi lei biaceihnak asilole cawlcanghnak bantuk ngandamnak zohkhenh ṭhatnak rianṭuannak caah thuhla phuan a si tikah 
  • Thuhla kilvennak bawhchhiat a si ruangah, na ngandamnak thuhla cu nawl ngei loin luh zoh asilole phuan a si kong upadi nih a fialmi theihternak pek khawh nakhnga na Kilvenmi Ngandamnak Thuhla kan hmang kho asilole kan phuang kho tikah. 
  • Kan aiawh in rian a ṭuanmi asilole kanmah rian tuah a petu chawlehnak ṭuanṭi hna he rianṭuan tikah, cu rian asilole rian tuahpiaknak caah thuhla a herh ahcun. Kan chawlehnak ṭuanṭi hna dihlak nih na thuhla pumpak si ning kilven rianvo an ngei i kan biakamnak chung i tialmi siar loin thuhla dang hman asilole phuan an siang lo. 
  • Ṭuanṭi bu hna sinah ri khiahmi thuhla bu tuahnak caah thuhla phuan a si tikah; cu chungah zip code, chuah ni asilole rian tuahpiaknak ni hna an tel kho nain, min, umnak, fawn nambar asilole social security nambar bantuk mizawtnu theih khawhnak thuhla an tel kho lo. 
  • Upadi zulhternak caah thuhla phuan asilole hman a si tikah. 
  • Pum peng le taksa tissue hlan piaknak caah thuhla phuan asilole hman a si tikah. 
  • Nangmah asilole mipi ngandamnak le himnak cung i ttih a nungmi tihnungnak nganpi khamnak caah phuannak a herh tiah lungthin ṭha tein kan zumh tikah. 
  • Rianṭuantu Ngunkhuai Peknak upadi hna asilole a tinhmi zulh khawhnak caah phuannak a herh tikah. 
  • FDA nih a ukmi thilri asilole rianṭuannak hna i ṭhatnak, himnak asilole hlawhtlinnak he aa pehtlaimi mipi ngandamnak caah, FDA uk hnuai ummi pakhat theihter dingin upadi nih a fial tikah? 
  • A hleice in cozah rianṭuannak caah phuannak a herh tikah. 
  • Ralkap uktu hna nih an fial tikah; thawngtla na si ahcun, na umnak thawnginn sinah a tanglei tinhmi hna caah thuhla pek khawh a si: cu hmun nih ngandamnak zohkhenhnak a pek khawhnak caah, midang hna himnak kilvennak caah, thawnginn himnak le kilvennak caah. 
     

NANGMAH NIH NA DODAL KHAWHDINGMI TINHMI HMANNAK ASILOLE PHUANNAK HNA
Nangmah nih phuannak pakhatkhat cu fiang tein na dodal asilole ri na khiah lo ahcun, JVH nih a cunglei ṭhen chung i tialmi tinhmi pakhatkhat caah na ngandamnak thuhla a hmang lai asilole a phuang lai. Ca in na tialmi dodalnak asilole ri khiahnak hna cu hika ah na kuat a hau: Pumpak Thuhla Kilvennak Rianvo Ngeitu, PO Box 5681, Springfield, MO 65801. 

JVH nih nangmah zohkhenhnak i aa telmi hawikom le/asilole chungkhar chungtel pakhat sinah nangmah ngandamnak thuhla a phuang kho. JVH nih nangmah zohkhenhnak man peknak ah a bawmh lai dingmi asilole a bawm liomi pakhat sinah zong hi thuhla hi a pe kho. 

JVH nih na umnak hmun le na sining kong na chungkhar le/asilole na hawikom hna theihternak caah, khuachiatnak bawmhnak rianṭuannak i bawmh dingin upadi asilole a bu sernak ca nih nawl a pekmi mipi lei asilole pumpak bu pakhat sinah nangmah ngandamnak thuhla a phuang kho. 

KHAMMI HMANNAK LE PHUANNAK HNA
Na Kilvenmi Ngandamnak Thuhla (PHI) cu a tanglei hna caah kan hmang lai lo i kan phuang lai lo: 

  • Insurance cohlan ding le man khiahnak caah ci le phun lei thuhla hman. 
  • Ca in na tialmi nawlpeknak um loin zuarhchannak tuah. 
  • Ca in na tialmi nawlpeknak um loin PHI zuar. 
  • Nangmah lungtlinak asilole biaceihzung nawlpekca um loin sii ri hmannak zawtnak (SUD) cazin hna upadi lei biaceihnak ah hman telh in, 42 CFR Part 2 nih a khammi tinhmi paoh. 

NANGMAH NAWLPEKNAK A HERH LOMI SII LEI THUHLA HMANNAK LE PHUANNAK HNA
A tanglei na Kilvenmi Ngandamnak Thuhla hmannak le phuannak hna cu ca in na tialmi nawlpeknak a um lawngah tuah a si lai: 

  • Zuarhchannak caah Kilvenmi Ngandamnak Thuhla hmannak le phuannak hna; le 
  • Na Kilvenmi Ngandamnak Thuhla zuarnak a simi phuannak hna.  
  • Hi Theihternak asilole JVH cung i a ṭuanmi upadi hna nih an huap lomi Kilvenmi Ngandamnak Thuhla hmannak le phuannak dang hna cu ca in na tialmi nawlpeknak a um lawngah tuah a si lai.

NA NAWLPEKNAK CU ZEITIK PAOH AH CA IN NA LET ṬHAN KHO. 

BIADIK THEIHPI NAK A HERHMI HMANNAK LE PHUANNAK HNA 
§164.509 ningin PHI halnak cheukhat nih biadik theihpi nak an herh. Tahchunhnak ah: Fa chuahnak lei ngandamnak zohkhenhnak thuhla halnak hna nih cu thuhla cu khammi tinhmi hna caah hman a si lai lo timi biadik theihpi nak an herh kho.

PHUAN ṬHAN A SI KHAWHNAK 
Midang hna sinah phuanmi thuhla cu phuan ṭhan khawh a si i HIPAA nih a kilven ti lo kho. Sihmanhsehlaw, 42 CFR Part 2 nih a kilvenmi cazin hna cu nangmah lungtlinak asilole biaceihzung nawlpekca um loin phuan ṭhan khawh an si lo. 


UPADI NIH A FIALMI A DANGTE THEIHTERNAK HNA 
JVH nih tangka thawh khawmnak caah nangmah a chawnh kho, cun nangmah tel lo ding thimnak nawl na ngei. 

  • Bu ngandamnak plan hna nih upadi nih a siangning in plan bawmtu hna sinah PHI an phuang kho. 
  • JVH nih insurance cohlan ding le man khiahnak caah ci le phun lei thuhla a hmang lai lo. 
  • 42 CFR Part 2 uk hnuai i a ummi sii ri hmannak zawtnak cazin hna cu lungtlinak asilole biaceihzung nawlpekca um loin upadi lei biaceihnak ah hman an si lai lo. 
  • JVH nih Part 2 cazin hna cu tangka thawh khawmnak caah a hman ahcun, nangmah tel lo ding thimnak caanṭha na ngei lai.

 

NA NGANDAMNAK THUHLA HE AA PEHTLAIMI NA NAWL HNA

Na ngandamnak cazin cu Jordan Valley Health i thil a si ko nain, a tanglei nawl hna na ngei: 

Ri khiahnak hal: JVH nih na ngandamnak thuhla hmannak asilole phuannak pakhatkhat ri khiah dingin halnak nawl na ngei. Sihmanhsehlaw, a tanglei hna si lo ahcun JVH nih halnak pakhatkhat pomh a hau lo: 

  •  Tangka peknak asilole rianṭuannak caah na ngandamnak plan sinah thuhla hrawmnak ri khiah dingin kanmah na hal, cun 
  • Cu thuhla cu nangmah tangka in a man dihlak na pekmi rian tuahpiaknak lawng he aa pehtlai. 

Kan lung a tlin ahcun, harnak cang i siiinnak caah cu thuhla a herh lo ahcun na halnak kan zulh lai. Ri khiahnak hal dingah, Pumpak Thuhla Kilvennak Rianvo Ngeitu sinah ca in na hal a hau. A tanglei hna telh: 

  • Ri na khiah duhmi thuhla. 
  • Ri khiahnak cu hmannak, phuannak, asilole a pahnih in caah a si maw. 
  • Ri khiahnak cu aho cungah a ṭuan lai. Thup tein Pehtlaihnak Hal: JVH nih sii lei kongah nangmah cu lam pakhatkhat in asilole hmun pakhatkhat ah pehtlaihnak tuah dingin halnak nawl na ngei. Thup tein pehtlaihnak hal dingah, JVH i Pumpak Thuhla Kilvennak Rianvo Ngeitu sinah ca in na hal a hau. Na halnak ah zeidah bantuk in asilole khuazei ah pehtlaihnak tuah na duh timi na langhter a hau. A tawk a tlakmi halnak hna cu kan tuahpiak lai. 

Kilvennak Bawhchhiatnak Theihternak: Him tein kilven a si lomi na Kilvenmi Ngandamnak Thuhla pakhatkhat bawhchhiat a si tikah theihter si nak nawl na ngei. 

Elektronik Sii Lei Cazin I Elektronik Copy:   
Na Kilvenmi Ngandamnak Thuhla (PHI) cu elektronik in (elektronik sii lei asilole ngandamnak cazin chungah) chia a si ahcun, a tanglei nawl hna na ngei: 

  • Na cazin i elektronik copy hal. 
  • Na cazin cu midang pakhat asilole bu pakhat sinah kuat dingin kanmah hal. 

A si khawh ahcun JVH nih na halmi ningin na cazin a pe lai. Cu ningin kan pe kho lo ahcun, kan hman tawnmi elektronik ningin asilole, nangmah na duh deuh ahcun, rel khawhmi cahnah copy in kan pe lai. 

Na Kilvenmi Ngandamnak Thuhla (PHI) Zohchih le Copy Tuah: Thinlung siiinnak note hna siar loin, nangmah zohkhenhnak kong biakhiahnak tuahnak ah hman khawhmi na kilvenmi ngandamnak thuhla cu zohchih le copy tuahnak nawl na ngei. Na sii lei thuhla zoh asilole copy tuah na duh ahcun, Jordan Valley i Pumpak Thuhla Kilvennak Rianvo Ngeitu sinah ca in na hal a hau.  

Hngalh Ding: Sining ri khiahmi cheukhat ah, JVH nih na ngandamnak thuhla zoh khawhnak a el kho. Zoh khawhnak el a si ahcun, cu elnak cu zohchih ṭhan dingin na hal kho. JVH nih a thimmi laisen ngei ngandamnak zohkhenhnak lei thiammi dang pakhat nih na halnak le elnak cu a zohchih lai. JVH nih zohchihtu i biakhiahnak cu a zulh lai. 

Na Kilvenmi Ngandamnak Thuhla (PHI) Remh Dingin Hal: Na ngandamnak thuhla cu a dik lo asilole a tling lo tiah na zumh ahcun, remh (thlen) dingin halnak nawl na ngei. JVH nih cu thuhla a chia chungkarlak thlennak halnak nawl na ngei. Na PHI thlennak hal dingah, thuhla cu a dik lo asilole a tling lo tiah na ruahnak a ruang le thlennak kong aho theihter na duh timi fiang tein tial in JVH i Pumpak Thuhla Kilvennak Rianvo Ngeitu sinah ca in halnak na ap a hau. Ca in na tialmi halnak a hmuh hnu ni 60 chungah JVH nih nangmah a theihter a hau. Kan tlainak a ruang le lim dingin kan ruahmi ni nangmah kan theihter ahcun, hi caan hi ni 30 in sauh khawh a si. 

JVH NIH THUHLA REMH DINGIN NA HALNAK A EL KHAWHNAK CAAN 
A tanglei hna a si ahcun JVH nih na halnak a el kho: 

  • Ca in tial a si lo asilole thlennak a ruang a tel lo. 
  • Thuhla cu JVH nih tuahmi a si lo, asilole a tuahtu minung/bu cu hmuh khawh a si ti lo. 
  • Thuhla cu na JVH sii lei cazin chung i aa telmi a si lo. 
  • Thuhla cu nangmah zohchih asilole copy tuah nawl na ngeihmi a si lo. 
  • JVH nih thuhla cu a dik i a tling tiah a zumh. 

Phuannak Cazin: Na sii lei thuhla phuannak cheukhat cazin halnak nawl na ngei. Cu tuah dingah, na duhmi caan chung le thuhla cu zeidah bantuk in report tuah na duh timi a telmi ca in tialmi halnak cu JVH i Pumpak Thuhla Kilvennak Rianvo Ngeitu sinah na kuat a hau. Cu caan chung cu kum 6 nakin a sau kho lo i 2003 kum January ni 1 hlan ni hna an tel kho lo. Thla 12 tinten ah phuannak cazin pakhat a lak in na hmuh kho. Cu thla 12 chungah pakhat nakin tam na hal ahcun, JVH nih copy, ca kuatnak asilole thilri bantuk man hna caah peng nih a pomhmi man a hal kho. Na halnak kan ṭuan hlan ah man pek ding a ummi paoh nangmah kan theihter lai, cun cu caan ah na halnak cu na thleng kho asilole na hrawh kho. Nawlpeknak min na thut hlan i tuahmi phuannak hna cu hi cazin ah an tel lo. 

Hi Pumpak Thuhla Kilvenning Theihternak I Copy Hmuh: Hi theihternak cu lam dangin hmuh dingah na lung a tlin cang ko nain, hi theihternak i cahnah copy na hmuh khawh rih. Hi theihternak i cahnah copy hmuh dingah, sii lei cazin ṭhen asilole Pumpak Thuhla Kilvennak Rianvo Ngeitu pehtlai. Kan website ah zong hi theihternak i copy na hmuh kho: www.jordanvalley.org.
 

PHUNNAK HNA

Na pumpak thuhla lei nawl hna cu bawhchhiat an si tiah na zumh ahcun, PO Box 5681, Springfield, MO 65801 i JVH Pumpak Thuhla Kilvennak Rianvo Ngeitu sinah ca in phunnak na ap kho, asilole Jordan Valley website, www.jordanvalley.org ah a ummi Ruahnak Peknak Fawm phih in na ap kho. Jordan Valley Pumpak Thuhla Kilvennak Rianvo Ngeitu cu 417-851-1556 ah zong na chawnh kho. US Ngandamnak le Minung Rian Tuahpiaknak Ṭhen i Secretary, 200 Independence Avenue, Washington, D.C. 20201 sinah phunnak na ap kho, asilole Civil Rights Zung cu 1(800) 368-1019, 1(800) 537-7697 (TDD) ah chawnh in na ap kho. Phunnak fawm hna cu hika ah an um: http://www.hhs.gov/ocr/office/file/index.html. 

Upadi ningin, Jordan Valley bu pakhatkhat asilole U.S. Ngandamnak le Minung Rian Tuahpiaknak Ṭhen sinah phunnak na ap ruangah nangmah cungah phu laknak asilole ṭihphannak tuah a si lai lo. 
 

HI PUMPAK THUHLA KILVENNING THEIHTERNAK THLENNAK HNA

JVH nih hi Pumpak Thuhla Kilvenning Theihternak thlen asilole remh khawhnak nawl a chiah. Thlennak paoh cu JVH nih a ngeihmi asilole a hmuh kho dingmi nangmah ngandamnak thuhla pakhatkhat cungah a ṭuanter kho. Jordan Valley bu hna sinin rian tuahpiaknak na hmuh tinten ah kan Pumpak Thuhla Kilvenning Theihternak i a thar bik cu zohchihnak caanṭha na ngei lai. Kan Pumpak Thuhla Kilvenning Theihternak i a thar bik cu JVH siizung hna ah tar a si lai asilole Pumpak Thuhla Kilvennak Rianvo Ngeitu sinin hmuh khawh a si. 

HI PUMPAK THUHLA KILVENNING THEIHTERNAK THAR TUAHNAK CU 2026 KUM FEBRUARY NI 1 AH AA THOK LAI
A cunglei Pumpak Thuhla Kilvenning Theihternak hi thar in tuah a si lai. Thar in tuahmi theihternak cu 2026 kum February ni 1 ah aa thok lai. Theihternak i copy cu download tuah khawh dingin a um i HIKA HMET IN hmuh khawh a si.